.jpg)
ជនចំណាកស្រុកម្នាក់ឲ្យកូនជិះលើកដើរនៅក្បែរពីប៉ូលិសមួយនៅព្រំដែនអាមេរិក-មុិកសិុក។ AFP
ក្រុងធីជូណាៈ ម៉ិកស៊ិក បានបញ្ជូនចេញជនចំណាកស្រុកអាមេរិកកណ្តាលរាប់សិបនាក់ដែលត្រូវបានចាប់ខ្លួន ក្រោយពីពួកគេត្រូវបានបង្ខំចិត្តឲ្យធ្វើដំណើរឆ្លងកាត់តំបន់ហាមឃាត់របស់ប៉ូលិសម៉ិកស៊ិក និងបានធ្វើដំណើរទៅអាមេរិក ប៉ុន្តែពួកគេត្រូវបានរងគ្រោះដោយការបាញ់ឧស្ម័នបង្ហូរទឹកភ្នែក និងគ្រាប់កំាភ្លើងជ័រ។
កាលពីថ្ងៃអាទិត្យ បុរសប្រហែល៥០០នាក់ស្ត្រី និងក្មេងៗ ជាផ្នែកមួយរបស់ក្រុមជនចំណាកស្រុកប្រហែល៥០០នាក់ភាគច្រើន ជាជនជាតិហុងឌូរ៉ាស ដែលបានកំពុងធ្វើដំណើរទៅកាន់ទឹកដីអាមេរិកអស់ជាច្រើនសប្តាហ៍បានដណ្តើមគ្នាឡើងទៅលើរបងដែក ដើម្បីរត់ចុះទៅបាតទន្លេបេតុងមួយទៅកាន់ក្រុងSan Diego។
ក្រុមជនចំណាកស្រុកនេះ ត្រូវបានរារាំងដោយរបងខ្សែច្រវាក់ដែលនៅខាងលើមានលួសបន្លាដែក ហើយភ្នាក់ងារយាមល្បាតតាមព្រំដែនអាមេរិក បានបាញ់ឧស្ម័នបង្ហូរទឹកភ្នែកនិងគ្រាប់កាំភ្លើងជ័រទៅលើពួកគេ ហើយមានបុរសយ៉ាងតិចម្នាក់ បានរងរបួស។
ប្រធានភ្នាក់ងារយាមល្បាតតាមព្រំដែន លោក Rodney Scott បានប្រាប់ទូរទស្សន៍CNNថា៖«មានជនចំណាកស្រុកច្រើនរាប់មិនអស់ ភាគច្រើនបុរស បានធ្វើការឆ្លងកាត់ព្រំដែនប្រទេសនេះ ហើយ៤២នាក់ ក្នុងចំណោមពួកគេ ត្រូវបានចាប់ខ្លួន»។
លោក Gerardo Garcia ប្រធានវិទ្យាស្ថានជាតិនៃការចំណាកស្រុករបស់ប្រទេសម៉ិកស៊ិក បានធ្វើការអះអាងថា ជនចំណាកស្រុក ៩៨នាក់ ត្រូវបានចាប់ខ្លួននៅក្នុងប្រទេសរបស់លោក៕ AFP/SK
