.jpg)
ប្រធានាធិបតី មូន ជេអ៊ីន ថ្លែងសុន្ទរកថា នៅថ្ងៃប្រារព្ធខួបលើកទី៣៩ នៃការបះបោរគាំទ្រលទ្ធិប្រជាធិបតេយ្យឆ្នាំ ១៩៨០។ Yonhap
ក្រុងសេអ៊ូលៈ លោកប្រធានាធិបតី មូន ជេអ៊ីន កាលពីថ្ងៃសៅរ៍ បានអំពាវនាវឲ្យបញ្ឈប់ជម្លោះនយោបាយដែលខ្ជះខ្ជាយពេលវេលាជុំវិញការបះបោរគាំទ្រប្រជាធិបតេយ្យនៅឆ្នាំ ១៩៨០ នៅក្រុងក្វាងជូ ដោយថ្លែងថា កូរ៉េខាងត្បូង នៅតែជំពាក់បំណុលប្រជាជនយ៉ាងច្រើននៅទីនោះ។
ការចូលរួមបុណ្យខួបនៃចលនាដ៏បង្ហូរឈាមលើកទី៣៩ ប្រឆាំងរបបយោធាសម័យនោះដឹកនាំដោយលោក Chun Doo-hwan ជាថ្មីម្តងទៀត លោក បានសុំទោស ខណៈប្រធានាធិបតីរបស់ប្រទេសមួយនេះត្រូវបានគេធ្វើឃាតនោះ។
លោក មូន ជេអ៊ីន បានសោកស្តាយចំពោះពាក្យសម្តីមិនទទួលខុសត្រូវ នៅតែមានបន្តដោយក្រុមអ្នកនយោបាយខ្លះ និងអ្នកមានចំណេះដឹងជ្រៅជ្រះមួយចំនួន បានបកស្រាយខុស ឬបំភ្លៃការពិត នៅពីក្រោយព្រឹត្តិការណ៍ប្រវត្តិសាស្ត្រ ជាផ្លូវការ ត្រូវបានដាក់ឈ្មោះថាជាចលនាប្រជាធិបតេយ្យនីយកម្មក្រុងក្វាងជូនោះ។
លោក មូន ជេអ៊ីន បានថ្លែងនៅក្នុងសុន្ទរកថាមួយ នៅកន្លែងប្រារព្ធពិធីដែលបានរៀបចំឡើងនៅក្នុងក្រុងនោះ មានចម្ងាយ ២៦៨ គីឡូម៉ែតពីក្រុងសេអ៊ូលថា៖ «ក្នុងនាមជាជនជាតិកូរ៉េម្នាក់ ខ្ញុំមានអារម្មណ៍គួរឲ្យខ្មាសយ៉ាងខ្លាំង នៅពេលប្រឈមមុខការពិតនៃពាក្យសម្តីមិនសមហេតុផល ដែលបានបដិសេធ និងប្រមាថមើលងាយ ចំពោះចលនាប្រជាធិបតេយ្យបនីយកម្មនៅថ្ងៃទី ១៨ ខែ ឧសភា នោះ នៅតែត្រូវបានគេនិយាយឮៗ ដោយមិនមានការស្ទាក់ស្ទើរចិត្តណាមួយនោះឡើយ»។
កាលពីដើមឆ្នាំនេះ មានសមាជិកសភា ៣ រូប ជាមួយគណបក្សអភិរក្សប្រឆាំងកូរ៉េសេរីភាព (LKP) បានរងការវាយប្រហារជុំវិញការពិពណ៌នាជាសាធារណៈអំពីការបះបោរនៅក្រុងក្វាងជូ ថាជាកូដកម្មមួយ ដោយមានការទាក់ទងជាមួយកូរ៉េខាងជើង ឬការប្រមាថមើលងាយដល់ក្រុមគ្រួសារព្រាត់ប្រាសរបស់ក្រុមជនរងគ្រោះទាំងនោះ។
ជាង ២០ ឆ្នាំហើយ លោក មូន ជេអ៊ីន បានថ្លែងថា៖ «យើងឈានដល់ការឯកភាពគ្នាមួយរួចទៅហើយអំពីសារៈសំខាន់ជាប្រវត្តិសាស្ត្រ និងចលនាប្រជាធិបតេយ្យបនីយកម្មក្រុងក្វាងជូនៅថ្ងៃទី ១៨ ខែ ឧសភា និងធ្វើយ៉ាងណាឲ្យបញ្ហាចម្រូងចម្រាសផ្លូវច្បាប់ចប់សព្វគ្រប់តែម្តង៕ Yonhap/SK
