.jpg)
លោក Hwang Kyo-ahn (កណ្តាល) ថ្លែងនៅក្នុងអំឡុងសន្និសីទកាសែតនៅសភាក្នុងក្រុងសេអ៊ូលកាលពីថ្ងៃទី ១៥ ខែ កក្កដា។ Yonhap
ក្រុងសេអ៊ូលៈ មេដឹកនាំបក្សប្រឆាំងដ៏សំខាន់របស់គណបក្សសេរីភាពកូរ៉េកាលពីថ្ងៃចន្ទ បានស្នើសុំឲ្យមានការរៀបចំកិច្ចពិភាក្សាជាមួយប្រធានាធិបតីលោក មូន ជេអ៊ីន ដើម្បីពិភាក្សាបញ្ហាអំពីកាតព្វកិច្ចនៃការបង់ពន្ធ កាន់តែច្រើនឡើងរបស់ជប៉ុនទៅលើការនាំចេញបច្ចេកវិទ្យាទំនើបទៅកាន់កូរ៉េខាងត្បូង។
លោក Hwang Kyo-ahn បានថ្លែងប្រាប់សន្និសីទកាសែតនៅរដ្ឋសភាថា៖ «ខ្ញុំជឿជាក់ថា ជប៉ុននឹងមានការបន្ធូរបន្ថយចំពោះប្រជាជនដែលគាំទ្រក្រុមអ្នកនយោបាយ ដើម្បីទុកឲ្យក្រុមថ្នាក់ដឹកនាំរបស់ពួកគេរួមគ្នាដោះស្រាយវិបត្តិមួយនេះ» ដោយបានបន្ថែមថា អ្វីក៏ដោយ លោកនឹងទទួលយកការរៀបចំកិច្ចប្រជុំនោះជាមួយប្រធានាធិបតី នៅក្នុងនោះមានម្នាក់ជា ១ ក្រុម ប្រមុខ ៥ នាក់ ដែលកំពុងគ្រប់គ្រងអំណាច និងសមាជិកបក្សប្រឆាំងមួយចំនួនទៀតផងដែរ។
លោក Lee Hae-chan ជាប្រធានបក្សប្រជាធិបតេយ្យដែលកំពុងគ្រប់គ្រងអំណាចបានស្វាគមន៍សំណើរបស់លោក Hwang នៅអំឡុងពេលជំនួបរបស់សមាជិកក្រុមប្រឹក្សាកំពូលរបស់គណបក្ស។
លោក Lee បានថ្លែងថា៖ «យើងស្វាគមន៍ដំណើរបស់លោក ដើម្បីរៀបចំកិច្ចពិភាក្សាជាមួយប្រធានាធិបតី ខណៈលោកបានអំពាវនាវឲ្យទទួលយកជំនួបមួយដែលធ្វើការរួមគ្នាជាមួយលោកប្រធានាធិបតី និងប្រមុខថ្នាក់ដឹកនាំបក្សទាំង ៥ នោះ»។
សំណើនោះបានធ្វើឡើងបន្ទាប់ពីការសម្រេចចិត្តរបស់ជប៉ុនកាលពីដើមខែនេះ ដើម្បីដាក់កំហិតពន្ធនាំបច្ចេកវិទ្យាទំនើបទៅកូរ៉េខាងត្បូង។ ដោយចាប់ផ្តើមពីថ្ងៃទី ៤ ខែ កក្កដា ក្រុមហ៊ុនជប៉ុនត្រូវតែអនុវត្តទៅតាមអាជ្ញាប័ណ្ណនីមួយៗ ដើម្បីនាំចេញ ឧបករណ៍ប្រើប្រាស់ ៣ ប្រភេទ ក្នុងការផលិតវត្ថុពាក់កណ្តាលសម្រេច និងវត្ថុផ្សេងៗទៀត៕ Yonhap/SK
