ក្រុងប៉ារីសៈ ប្រភពពីប្រធានាធិបតីបានឲ្យដឹងថា ប្រធានាធិបតីបារាំង លោក អេម៉ានុយអែល ម៉ាក្រុង កាលពីថ្ងៃពុធ បានជួបជាមួយលោកនាយករដ្ឋមន្ត្រីប្រទេស លីប៊ី លោក Fayez al-Sarraj ដែលបានចោទប្រកាន់ក្រុងប៉ារីស ពីបទគាំទ្រគូបដិបក្ខរបស់លោក និងគាំទ្រឲ្យមានការវាយប្រហារដោយស្ងៀមស្ងាត់ទៅលើក្រុងទ្រីប៉ូលី។
ការទំនាក់ទំនងរវាងមេដឹកនាំទាំង ២ បានធ្លាក់ចុះយ៉ាងខ្លាំង ចាប់តាំងពីបុរសខ្លាំង លោក Khalifa Haftar បានបើកការវាយប្រហារកាលពីខែមុនប្រឆាំងលោក Sarraj និងរដ្ឋា ភិបាលបង្រួបបង្រួមជាតិរបស់លោកទទួលស្គាល់ដោយអន្តរជាតិ។
ដោយប្រភពប្រធានាធិបតីកាលពីថ្ងៃអង្គារ បានឲ្យដឹងថា លោក Sarraj បានអះអាងថា ប្រទេស បារាំង បានប្តូរទៅគាំទ្រខាងភាគី «ជនផ្តាច់ការ» នៅក្នុងការអត្ថាធិប្បាយ ដែលបានចាត់ទុកថា «វាជារឿងមិនអាចទទួលយកបាន និងគ្មានហេតុផល» នោះទេ សម្រាប់ប្រធានាធិបតីបារាំងដែលងាកទៅគាំទ្រពួកគេនោះ។
ប្រភពដដែលបានឲ្យដឹងទៀតថា៖ «បារាំង បានគាំទ្រលោកនាយករដ្ឋមន្ត្រី Sarraj ហើយបានប្រឆាំងនឹងយុទ្ធនាការវាយប្រហារទ្រង់ទ្រាយធំដោយយោធារបស់លោក Haftar ប្រឆាំងក្រុងទ្រីប៉ូលី» ដោយបញ្ជាក់ម្តងហើយម្តងទៀតថា ប្រទេស បារាំង បានរក្សាទំនាក់ទំនងជាមួយក្រុមតួអង្គភាគីជម្លោះទាំង ២ ដដែល។
កាលពីថ្ងៃទី ៤ ខែ មេសា លោក Haftar បានបើកការវាយប្រហារសម្រុកទៅកាន់ក្រុងទ្រីប៉ូលី ជាទីដែលរដ្ឋាភិបាលទទួលស្គាល់ដោយអង្គការសហប្រជាជាតិ របស់លោក Sarraj មានមូលដ្ឋាននៅក្រុងទ្រីប៉ូលី ដោយបង្កឲ្យមានការប្រយុទ្ធគ្នាយ៉ាងខ្លាំងក្លា ដែលបានបណ្តាលឲ្យមនុស្សជិត ៤០០ នាក់ស្លាប់។
លោក ម៉ាក្រុង មានបំណងសួរលោក Sarraj អំពីស្ថានការណ៍មនុស្សធម៌ និងត្រួតពិនិត្យមើលថា តើលោក ម៉ាក្រុង បានស្នើសុំឲ្យបញ្ចប់ជម្លោះ ដែលឈានទៅរកការទម្លុះទម្លាយភាពជាប់គាំងក្នុងរយៈពេលប៉ុន្មានថ្ងៃថ្មីៗនេះដែរ ឬយ៉ាងណា?។
ប្រភពដដែលបានថ្លែងថា៖ «លោក Sarraj ជាអ្នកនយោបាយប្រាកដនិយមម្នាក់ ដែលយើងអាចធ្វើការជាមួយលោកបាន»។
«ប៉ុន្តែបុគ្គលក្នុងចំណោមអ្នកគាំទ្រលោកមានក្រុមជ្រុលនិយមខ្លះជាបក្សសម្ព័ន្ធ និងជាក្រុមប្រឆាំង ដែលគិតថា វាងាយស្រួលក្នុងការចោទប្រកាន់ក្រុមជនបរទេស»៕ AFP/SK