ក្រុងប៉ារីសៈ នៅចំពេលមានការអំពាវនាវខ្លាំងៗឲ្យលោកម៉ាក្រុងបញ្ចប់វិបត្តិរបស់ «ក្រុមអ្នកតវ៉ាអាវកាក់ពណ៌លឿង» ដែលកំពុងរួតរឹតប្រទេសបារាំងនេះ លោក ប្រធានាធិបតី អេម៉ានុយអែល ម៉ាក្រុង បានថ្លែងសុន្ទរកថាទៅប្រជាជាតិរបស់ លោកកាលពីថ្ងៃចន្ទ ខណៈក្រុមអាជ្ញាធរបានវាយតម្លៃការខូចខាត ដែលបណ្តាលមកពី ការតវ៉ាប្រឆាំងរដ្ឋាភិបាលប៉ុន្មាន សប្តាហ៍កន្លងទៅនេះ។
ការិយាល័យ Elysee របស់លោក បានប្រកាសថា លោកប្រធានាធិបតី បានថ្លែងទៅកាន់ប្រជាជនបារាំងនៅម៉ោង ៨ យប់ ជាការថ្លែងជាសាធារណៈលើកដំបូងរបស់លោកម៉ាក្រុងក្រោយពីការតវ៉ាប្រឆាំងរដ្ឋាភិបាលនៅទូទាំងប្រទេសរយៈពេល ៤ សប្តាហ៍ ដែលបានផ្ទុះហិង្សាជាថ្មីនៅក្រុងប៉ារីសនិងក្រុងផ្សេងៗទៀត កាលពី ថ្ងៃសៅរ៍។
រដ្ឋមន្ត្រីក្រសួងការងារ លោក Muriel Penicaud បានបន្ថែមថា លោកម៉ាក្រុង ដែលជាគោលដៅនៃកំហឹងរបស់អ្នកតវ៉ាជុំវិញគោលនយោបាយគាំទ្រអ្នកមាន បាន «ប្រកាសវិធានការជាក់ស្តែង និងភ្លាម» ដើម្បីឆ្លើយតបវិបត្តិនោះ។
ប្រធានាធិបតី ដែលមានវ័យ ៤០ ឆ្នាំរូបនេះបានជួបជាមួយសមាជិកសហជីពពាណិជ្ជកម្មក្រុមមេដឹកនាំជំនួញកាលពីថ្ងៃចន្ទផងដែរ។
ក្រុមមន្ត្រីបានថ្លែងថា អំពើកុបកម្មប្រឆាំងលោកម៉ាក្រុងដែលបានកើតឡើងនៅក្នុងក្រុងប៉ារីសកាលពីថ្ងៃសៅរ៍ នោះ បានបង្កឲ្យមានហិង្សា ស្រាលជាងកាលពីសប្តាហ៍មុន ដោយមានមនុស្សតិចតួចរងរបួស ប៉ុន្តែការខូចខាតទ្រព្យសម្បត្តិនៅទូទាំងក្រុងនេះអាក្រក់បំផុត៕