.jpg)
ប្រជាជនដែលភៀសខ្លួនចេញពីខេត្តអុីដលីប ត្រូវបានគេថតរូបនៅជំរំមួយក្បែរព្រំដែនជាមួយប្រទេសតួកគី។ AFP
ក្រុងបេរូតៈ ដោយបានស្វាគមន៍ទាំងអ្នកនៅជិត និងអ្នកនៅឆ្ងាយនោះ ក្រុមយុទ្ធជនបរទេស បានសម្រុកទៅកាន់ប្រទេសស៊ីរី ដើម្បីធ្វើសង្គ្រាម។ ឥឡូវនេះ ក្រុមជីហាតនិយមបរទេសប្រឈមនឹងការប្រយុទ្ធមួយដើម្បីបន្តកាន់កាប់ខេត្តអ៊ីដលីប ជាទីតាំងឈរជើងចុងក្រោយរបស់ពួកគេ។
កងទ័ពស៊ីរី ដែលត្រូវបានគាំទ្រដោយរុស្ស៊ី និងអ៊ីរ៉ង់ បានប្រមូលផ្តុំគ្នានៅជុំវិញខេត្តនេះនៅមុនវាយប្រហារប្រឆាំងនឹងតំបន់ ដែលកាន់កាប់ដោយក្រុមឧទ្ទាមធំបំផុតនៅក្នុងប្រទេសនេះ។
ចាប់តាំងពីឆ្នាំ ២០១៥ ខេត្តអ៊ីដលីប គឺជាទីតាំងរបស់កងកម្លាំងប្រឆាំងរបបស៊ីរី ក្រុមឧទ្ទាមមិនពាក់ព័ន្ធនឹងសាសនា ក្រុមអ៊ិស្លាមនិយម និងក្រុមជីហាដនិយមស៊ីរី ដោយមានទំនាក់ទំនងជាមួយក្រុមអាល់កៃដា និងសមភាគីបរទេសរបស់ពួកគេ។
ជនមិនមែនស៊ីរីនៅក្នុងនោះមានយុទ្ធជនមកពីអ៊ូសបេគីស្ថាន ឆេឆេនី និងជនភាគតិចអ៊ូហ្គ័រ ដែលបានទទួលបទពិសោធន៍របស់ពួកគេនៅក្នុងសង្គ្រាមដទៃទៀត ប៉ុន្តែបន្ទាប់មកធ្វើដំណើរទៅស៊ីរី ដើម្បីបុព្វហេតុនេះ។
ការគំរាមវាយប្រហាររបស់របបប្រធានាធិបតីស៊ីរីលោកបាសារ អាល់អាសាដ អាចធ្វើឲ្យពួកគេចាកចេញពីបន្ទាយ រឹងមាំចុងក្រោយរបស់ពួកគេ។
Sam Heller អ្នកវិភាគជាន់ខ្ពស់ម្នាក់នៅក្រុមដោះស្រាយវិបត្តិអន្តរជាតិបាននិយាយថា៖ «ក្នុងកាលៈទេសៈនេះ មនុស្ស ដែលបានចាកចេញពីបន្ទាយនោះ គ្មានកន្លែងណាដែលត្រូវទៅរស់នៅទេ»៕
