.jpg)
រដ្ឋមន្ត្រីការបរទេសអាមេរិកលោក Mike Pompeo។ AFP
ក្រុងវ៉ាស៊ីនតោនៈ រដ្ឋមន្ត្រីការបរទេសអាមេរិក លោក Mike Pompeo បានស្វាគមន៍ «ការប្តេជ្ញារចិត្តយ៉ាងសំខាន់» របស់ទីក្រុង ព្យុងយ៉ាង ដែលត្រូវបានធ្វើឡើងនៅក្នុងកិច្ចប្រជុំអន្តរកូរ៉េលើកទីបី កាលពីថ្ងៃពុធ។
លោក Pompeo បានបន្ថែមថា ក្រុងវ៉ាស៊ីនតោនបានត្រៀមខ្លួនរួចជាស្រេច ដើម្បីធ្វើការចរចាលើការលុបបំបាត់អាវុធនុយក្លេអ៊ែររបស់កូរ៉េខាងជើង «នៅខែមករាឆ្នាំ២០២១»។
ក្នុងសេចក្ដីថ្លែងការណ៍ លោក Pompeo បានថ្លែងថា លោកបានជួបជជែកជាមួយភាគីខាងកូរ៉េខាងជើង កាលពីព្រឹកថ្ងៃពុធ និងបានអញ្ជើញលោកឲ្យជួបគ្នានៅក្នុងទីក្រុងញ៉ូវយ៉ក់នៅសប្ដាហ៍ក្រោយ ក្នុងជំនួបក្រៅផ្លូវការមួយរបស់ កិច្ចប្រជុំមហាសន្និបាតអង្គការសហប្រជាជាតិ។
សេចក្ដីថ្លែងការណ៍ ត្រូវបានធ្វើឡើងបន្ទាប់ពីមេដឹកនាំកូរ៉េខាងជើងបានយល់ព្រមថា នឹងធ្វើទស្សនកិច្ចជាប្រវត្តិសាស្ត្រទៅកាន់ទីក្រុងសេអ៊ូល និងបានបិទស្ថានីយបាញ់សាកល្បងមីស៊ីលនៅចំពោះមុខក្រុមអ្នកអង្កេតការណ៍អន្តរជាតិនៅក្នុងអំឡុងពេលកិច្ចប្រជុំជាមួយនឹងលោកប្រធានាធិបតីកូរ៉េខាងត្បូង មូន ជេអ៊ីន។
ការអភិវឌ្ឍន៍នៃសំណុំរឿងសំខាន់លើអាវុធនុយក្លេអ៊ែរកូរ៉េខាងជើង គឺនៅមានកម្រិត ប៉ុន្តែប្រទេសទាំងពីរ បានចុះហត្ថលេខាលើឯកសារស្ដីអំពីការរឹតចំណងមិត្តភាព រវាងប្រទេសទាំងពីរ៕ PDN
