ក្រុងតៃប៉ិៈ រដ្ឋមន្ត្រីការបរទេសកោះតៃវ៉ាន់កាលពីថ្ងៃចន្ទ បានអំពាវនាវឲ្យ «មានការបោះឆ្នោតតាមបែបប្រជាធិបតេយ្យយ៉ាងពិតប្រាកដមួយ» ត្រូវធ្វើឡើងនៅក្នុងទីក្រុងហុងកុង ក្រោយពីក្រុងមួយនេះត្រូវបានរង្គោះរង្គើដោយអំពើហិង្សានយោបាយជាថ្មី។ ការអត្ថាធិប្បាយនោះទំនងជាធ្វើឲ្យ ក្រុងប៉េកាំង មានការខឹងសម្បាយ៉ាងខ្លាំង។
ក្រុងហុងកុង បានធ្លាក់ចូលទៅក្នុងវិបត្តិយ៉ាងធ្ងន់ធ្ងររបស់ខ្លួន នៅក្នុងប្រវត្តិសាស្ត្រជាថ្មី ដែលបានបង្កឡើងដោយការតវ៉ាអស់ជាច្រើនសប្តាហ៍ និងការប្រឈមមុខដាក់គ្នារវាងប៉ូលិស និងក្រុមអ្នកតវ៉ា។
ការតវ៉ាដំបូង ត្រូវបានធ្វើឡើងដោយសារការព្យួរច្បាប់បច្ចុប្បន្ន ដែលបានអនុញ្ញាតធ្វើបត្យាប័នទៅឲ្យប្រទេស ចិនដីគោក។
ប៉ុន្តែចាប់តាំងពីពេលនោះមក ពួកគេបានផ្លាស់ប្តូរឲ្យទៅជាចលនាកាន់តែធំឡើង ដែលបានអំពាវនាវឲ្យធ្វើកំណែទម្រង់តាមបែបប្រជាធិបតេយ្យ ដោយមានជំរុញឲ្យមានការបោះឆ្នោតជាសកល និងមិនត្រូវបិទសិទ្ធិសេរីភាពនៅក្នុងទីក្រុងមជ្ឈមណ្ឌលហិរញ្ញវត្ថុពាក់កណ្តាលស្វយ័តនេះទេ។
ប៉ូលិសក្រុងនេះបានបាញ់ឧស្ម័នបង្ហូរទឹកភ្នែក និងគ្រាប់កាំភ្លើងកៅស៊ូ ដើម្បីបំបែកក្រុមអ្នកតវ៉ា កាលពីយប់ថ្ងៃអាទិត្យ៕ AFP/SK