.jpg)
លោករដ្ឋមន្ត្រីការពារ ម៉ាក អេស្ពឺរ ថ្លែងក្នុងសន្និសីទកាសែត។ រូប AFP
ក្រុងវ៉ាស៊ីនតោនៈ មន្ទីរបញ្ចកោណបានថ្លែងឲ្យដឹងកាលពីថ្ងៃអង្គារថា រដ្ឋមន្ត្រីការពារជាតិអាមេរិកលោក ម៉ាក អេស្ពឺរ បានពន្យារពេលដំណើរទស្សនកិច្ចទៅកាន់អាស៊ីខាងត្បូង និងកណ្តាលដែលត្រូវបានគ្រោងសម្រាប់សប្តាហ៍ក្រោយនេះដោយសារការរាលដាលនៃវីរុសផ្លូវដង្ហើមប្រភេទថ្មីកូរ៉ូណាយ៉ាងឆាប់រហ័សនេះ។
អ្នកនាំពាក្យមន្ទីរបញ្ចកោណលោកស្រី អាលីសសា ហ្វារ៉ា បានថ្លែងថាលោកអេស្ពឺរ បានគ្រោងធ្វើទស្សនកិច្ចប្រទេសឥណ្ឌា ប៉ាគីស្ថាន និងអ៊ូសបេគីស្ថានពីថ្ងៃទី ១៦ ដល់ថ្ងៃទី ២០ ខែមីនា ប៉ុន្តែបានសម្រេចចិត្តបន្តនៅក្នុងអាមេរិក ដើម្បីជួយរៀបចំចាត់ចែងការឆ្លើយតបរបស់ក្រសួងការពារជាតិទៅនឹងការផ្ទុះរាលដាលវីរុសកូវីដ ១៩ ជាវីរុសផ្លូវដង្ហើមប្រភេទថ្មីបណ្តាលឲ្យមនុស្សស្លាប់ច្រើនដែលកំពុងរាលដាលនៅជុំវិញពិភពលោក។
រហូតមកទល់ពេលនេះយោធាអាមេរិកត្រូវបានរំខានដោយវីរុសកូរ៉ូណា ដោយមានប្រហែល ១២ ករណីត្រូវបានគេអះអាងថានៅក្នុងកងកម្លាំងរបស់ខ្លួននៅជុំវិញពិភពលោក។
ប៉ុន្តែមន្ត្រីៗកំពុងព្យាយាមធ្វើឲ្យអ្នកបម្រើការ ២ ម៉ឺននាក់នៅមន្ទីរបញ្ចកោណរួចផុតពីការឆ្លងវីរុសនេះ៕ PSA
