ក្រុងឌូបៃៈ ប្រភពជាច្រើនចេញពីភាគីទាំង ២ បានថ្លែងកាលពីថ្ងៃចន្ទថា រដ្ឋាភិបាលទទួលស្គាល់ដោយអន្តរជាតិនៅយេម៉ែន និងក្រុមបំបែកខ្លួននៅភាគខាងត្បូងកំពុងរៀបចំការចរចាដោយប្រយោល ហើយកំពុងជិតឈានទៅរកកិច្ចព្រមព្រៀងបែងចែកអំណាចគ្នាមួយ។
មន្ត្រីម្នាក់ចេញពីក្រុមបំបែកខ្លួននៃក្រុមប្រឹក្សាគាំទ្រការផ្លាស់ប្តូរ (STC) នៅភាគខាងត្បូង បានថ្លែងប្រាប់ AFP ថា ភាគីទាំង ២ បានរៀបចំការចរចាដ៏ស្មុគស្មាញ និងដោយប្រយោលអស់ជាច្រើនសប្តាហ៍ នៅទីក្រុងជីដដាហ៍ភាគខាងលិចនៃប្រទេស អារ៉ាប៊ី សាអ៊ូឌីត ដោយមានការសម្របសម្រួលពីរាជាណាចក្រនេះ។
មន្ត្រីរូបនោះបានថ្លែងក្នុងលក្ខខណ្ឌអនាមិកថា មានការ «រីកចម្រើនច្រើន» នៃការចរចារបស់ភាគីទាំង ២ ក្នុងរយៈពេលប៉ុន្មានថ្ងៃមកនេះ។
ប្រភពរបស់រដ្ឋាភិបាលយេម៉ែនបានអះអាងថា កិច្ចពិភាក្សារវាងភាគីទាំង ២ បានកំពុងធ្វើឡើងនៅប្រទេស អារ៉ាប៊ី សាអ៊ូឌីត។
កាលពីខែសីហា ការប្រយុទ្ធគ្នារវាងភាគីទាំង ២ ដែលក្នុងចំណោមពួកគេទាំង ២ កំពុងប្រយុទ្ធជាមួយក្រុមឧទ្ទាមហ៊ូធីគាំទ្រដោយអ៊ីរ៉ង់នៅប្រទេស យេម៉ែន បានបើករណសិរ្សថ្មីមួយនៅក្នុងសង្គ្រាមដ៏ស្មុគស្មាញរបស់ប្រទេសនេះ។
ប៉ុន្តែប្រភពជាច្រើនចេញពីភាគីទាំង ២ នោះ បានថ្លែងប្រាប់ AFP ថា ពួកគេជិតឈានទៅរកកិច្ចព្រមព្រៀងចែកអំណាចគ្នា៕ AFP/SK