.jpg)
យុទ្ធជនដែលស្មោះត្រង់នឹងក្រុមប្រឹក្សាបណ្តោះអាសន្នភាគខាងត្បូង ឈរនៅលើរថយន្តយោធា។ AFP
ក្រុងឌូបៃៈ ប្រភពគាំទ្ររដ្ឋាភិបាល បានថ្លែងថា កងកម្លាំងរដ្ឋាភិបាលយេម៉ែនបានគ្រប់គ្រងក្រុងអាតាក់កាលពីថ្ងៃសៅរ៍ រយៈពេល ២ ថ្ងៃ ក្រោយពីមានការប៉ះទង្គិចគ្នារវាងកងកម្លាំងស្មោះត្រង់រដ្ឋាភិបាល និងក្រុមបំបែកខ្លួនភាគខាងត្បូងនៅក្នុងក្រុងនៃខេត្តហ្សាប់វ៉ា បណ្តាលឲ្យមនុស្សស្លាប់យ៉ាងច្រើន។
ការប្រយុទ្ធគ្នារវាងកងកម្លាំងរដ្ឋាភិបាល និងកងកម្លាំងមានទំនាក់ទំនងជាមួយក្រុមប្រឹក្សាផ្លាស់ប្តូរភាគខាងត្បូង (STC) បានផ្ទុះឡើងនៅខេត្តហ្សាប់វ៉ាកាលពីយប់ថ្ងៃព្រហស្បតិ៍ នៅក្នុងការប្រឈមមុខដាក់គ្នាចុងក្រោយបំផុត។
ប្រភពគ្រូពេទ្យ បានថ្លែងប្រាប់ AFP ថា មនុស្សយ៉ាងតិច ១១ នាក់បានស្លាប់។
ប្រភពនោះ បានថ្លែងប្រាប់ AFP ថា ក្រុមយុទ្ធជនសកម្មប្រយុទ្ធចេញពីកងកម្លាំងពិសេសដែលបានបង្កើតនៅក្នុងឆ្នាំ ២០១៦ ដោយមានការគាំទ្រដោយប្រទេស អារ៉ាប់រួមនោះ «ត្រូវបង្ខំឲ្យដកថយទៅវិញក្រោយពីបានចូលទៅកាន់កាប់អគាររដ្ឋាភិបាលមួយចំនួន» នៅក្នុងទីក្រុងអាតាក់នោះ»៕ AFP/SK
