.jpg)
លោកអនុរដ្ឋមន្ត្រីការបរទេសរុស្ស៊ី Sergei Ryabkov។ AFP
ក្រុងវ៉ាស៊ីនតោនៈ ប្រព័ន្ធផ្សព្វផ្សាយអាមេរិក បានរាយការណ៍កាលពីថ្ងៃចន្ទថា អាមេរិកនឹងបញ្ជូនគណៈប្រតិភូជាន់ខ្ពស់ទៅចូលរួមកិច្ចពិភាក្សាអំពីការគ្រប់គ្រងអាវុធជាមួយភាគីរុស្ស៊ីនៅក្រុងហ្សឺណែវ នៅពេលក្រោយក្នុងសប្តាហ៍នេះ។
យោងតាមកាសែត New York Times បានឲ្យដឹងថា លោកអនុរដ្ឋមន្ត្រីការបរទេស John Sullivan នឹងដឹកនាំគណៈប្រតិភូអាមេរិកដែលនៅក្នុងនោះមានបុគ្គលិកមកពីក្រុមប្រឹក្សាសន្តិសុខនៃមន្ទីរបញ្ចកោណនិងទីភ្នាក់ងារដទៃទៀត។ ចំណែកលោក Sergei Ryabkov អនុរដ្ឋមន្ត្រីការបរទេស នឹងដឹកនាំគណៈប្រតិភូរុស្ស៊ី។
ការរបបគ្រប់គ្រងអាវុធរវាងក្រុងវ៉ាស៊ីនតោន និងក្រុងម៉ូស្គូ បានធ្លាក់ចុះ។ ការសម្រេចចិត្តរបស់ក្រុងវ៉ាស៊ីនតោនដកខ្លួនចេញពីសន្ធិសញ្ញាកម្លាំងនុយក្លេអ៊ែរចម្ងាយមធ្យម ( INF) នឹងចូលជាធរមាននៅខែក្រោយនេះ។ ទន្ទឹមគ្នានេះដែរ អាមេរិកបានសម្តែងការមិនចាប់អារម្មណ៍ក្នុងការបន្តសន្ធិសញ្ញាកាត់បន្ថយអាវុធជាយុទ្ធសាស្ត្រថ្មី (START) ដែលនឹងផុតសុពលភាពនៅក្នុងឆ្នាំ ២០២១ ខាងមុខនេះ៕ Xinhua/PSA
