.jpg)
ក្រុមអ្នកតវ៉ាប្រឆាំងរដ្ឋាភិបាល គ្រវីទង់ជាតិធំមួយ ខណៈពួកគេប្រមូលផ្តុំដើម្បីធ្វើបាតុកម្ម នៅកណ្តាលរដ្ឋធានីអុីរ៉ាក់ កាលពីថ្ងៃទី ២៦ ខែមករា។AFP
ក្រុងបាកដាដ៖ រ៉ុក្កែត ៣ គ្រាប់ បានវាយប្រហារទៅលើស្ថានទូតអាមេរិកនៅក្នុងរដ្ឋធានីអ៊ីរ៉ាក់កាលពីថ្ងៃអាទិត្យ ជាការវាយប្រហារលើកទី ១ ដែលត្រូវបានគេរាយការណ៍ ក្រោយពីមានការបិទបញ្ចប់ការអំពាវនាវអស់ជាច្រើនខែ ខណៈក្រុមអ្នកតវ៉ារាប់ពាន់នាក់ បានបន្តធ្វើបាតុកម្មប្រឆាំងរដ្ឋាភិបាលនៅទូទាំងប្រទេស អ៊ីរ៉ាក់។
ការវាយប្រហារនោះ បានបង្កឲ្យមានគ្រោះថ្នាក់កាន់តែខ្លាំងឡើង នៅក្នុងការវាយប្រហារដោយគ្រាប់រ៉ុក្កែតជាបន្តបន្ទាប់ នៅក្នុងរយៈពេលប៉ុន្មានខែកាលពីពេលថ្មីៗនេះ ដែលបានកំណត់គោលដៅទៅលើស្ថានទូតអាមេរិក ឬទៅលើមូលដ្ឋានយោធាអ៊ីរ៉ាក់ ជាទីដែលកងកម្លាំងអាមេរិកត្រូវបានដាក់ពង្រាយនៅទីនោះ។
គ្មានការវាយប្រហារណាមួយក្នុងចំណោមការវាយប្រហារទាំងនោះ ត្រូវបានគេចេញមុខអះអាងទទួលខុសត្រូវនោះទេ ប៉ុន្តែក្រុងវ៉ាស៊ីនតោន បានស្តីបន្ទោសម្តងហើយម្តងទៀត ទៅលើក្រុមប្រឆាំងយោធាគាំទ្រដោយអ៊ីរ៉ង់នៅក្នុងប្រទេស អ៊ីរ៉ាក់។
ប្រភពសន្តិសុខបានថ្លែងប្រាប់ AFP ថា កាលពីថ្ងៃអាទិត្យ រ៉ុក្កែត ១ គ្រាប់ ត្រូវបានបាញ់ចំភោជនីយដ្ឋាននៅក្នុងស្ថានទូតនោះ នៅចំពេលទទួលទានអាហារពេលល្ងាច ខណៈដែលរ៉ុក្កែត ២ គ្រាប់ផ្សេងទៀតបានធ្លាក់នៅក្បែរស្ថានទូត។
មន្ត្រីជាន់ខ្ពស់របស់អ៊ីរ៉ាក់ម្នាក់ បានថ្លែងប្រាប់កាសែត AFP ថា មានមនុស្សយ៉ាងតិចម្នាក់បានរងរបួស ប៉ុន្តែភ្លាមៗនោះនៅមិនទាន់ដឹងច្បាស់នៅឡើយទេថា តើអ្នករងរបួសនោះ មានស្ថានភាពធ្ងន់ធ្ងរបែបណាទេ ហើយថា តើគេនោះគឺជាជនជាតិអាមេរិក ឬក៏ជាបុគ្គលិកជនជាតិអ៊ីរ៉ាក់ដែលកំពុងធ្វើការងារនៅក្នុងស្ថានទូតនោះ ឬយ៉ាងនោះទេ៕ AFP/SK
