ក្រុងសេអ៊ូល៖ ប្រធានាធិបតីកូរ៉េខាងត្បូង លោក មូន ជេអ៊ីន កាលពីថ្ងៃអង្គារបានអំពាវនាវឲ្យចាត់វិធានការទៅតាមផ្លូវច្បាប់ឲ្យបានខ្លាំងក្លាបន្ថែមទៀត ប្រឆាំងក្រុមអ្នកដែលបានបំពានច្បាប់ដាក់ឲ្យនៅដាច់ដោយឡែកពីគេ ដោយសារឆ្លងវីរុសកូរ៉ូណា ១ ថ្ងៃ នៅមុនគោលនយោបាយនៃការឃុំខ្លួនឯងនៅឲ្យឆ្ងាយពីគេ ទៅលើក្រុមអ្នកដំណើរទាំងអស់មកពីបរទេសឲ្យចូលជាធរមាន។
លោកប្រធានាធិបតី មូន ជេអ៊ីន បានសង្កត់ធ្ងន់ថា៖ «ប្រសិនបើវិធានការដាក់ឲ្យនៅដាច់ដោយឡែកពីគេត្រូវបានគេបំពាននោះ ដំណោះស្រាយ និងវិធានការទៅតាមផ្លូវច្បាប់ឲ្យបានខ្លាំងក្លាគួរត្រូវបានធ្វើឡើង ដើម្បីការពារសុវត្ថិភាពសហគមន៍» ដោយលោកបានថ្លែងនៅឯកិច្ចប្រជុំគណៈរដ្ឋមន្ត្រីប្រចាំសប្តាហ៍។
លោក មូន ជេអ៊ីន បានថ្លែងថា ទោះបីការឆ្លើយតបទៅនឹងការទប់ស្កាត់ជំងឺកូវីដ ១៩ របស់ប្រទេស កូរ៉េខាងត្បូង បានទទួលការសរសើរអំពីភាពជោគជ័យ ជាមួយការប្រយុទ្ធប្រឆាំងមេរោគនេះក្តី ក៏សញ្ញានៃ «ការធ្វើឲ្យមានលំនឹងបន្តិចម្តងៗ» នៅក្នុងស្ថានការណ៍នៅទីនេះ «គឺនៅតែមានមធ្យោបាយយូរអង្វែង ក្នុងការឆ្ពោះទៅរកដំណាក់កាលស្ថិរភាពកាន់តែខ្លាំងឡើង»។
លោក មូន ជេអ៊ីន បានបន្ថែមថា៖ «យើងត្រូវការចាត់វិធានការឲ្យបានខ្លាំងក្លាបន្ថែមទៀត និងការគ្រប់គ្រងឲ្យបានពេញលេញ ជុំវិញការរាតត្បាតនៃការឆ្លងរីករាលដាលមកពីក្រៅប្រទេសកាន់តែច្រើនឡើង»។ លោកមូន ជេអ៊ីន បានបញ្ជាក់ថា៖ «ការទប់ស្កាត់នៃការឆ្លងរីករាលដាលមានការធ្លាក់ចុះតិចតួច» ហើយលោកបានព្រមានប្រឆាំងរាល់សកម្មភាពណាមួយដែលបានធ្វើឲ្យកិច្ចខិតខំប្រឹងប្រែងប្រឆាំងការឆ្លងវីរុសរបស់ប្រជាជន «បានធ្លាក់ដល់កម្រិតសូន្យនោះ»។
ប្រទេស កូរ៉េខាងត្បូង បានអះអាងអំពីករណីឆ្លងបន្ថែមទៀតចំនួន ១២៥ នាក់ កាលពីថ្ងៃចន្ទ និង ៤ នាក់បន្ថែមទៀតបានស្លាប់។
លោក មូន ជេអ៊ីន បានថ្លែងទៅកាន់សមាជិកគណៈរដ្ឋមន្ត្រី នៅក្នុងសុន្ទរកថា របស់លោកទៅកាន់ក្រុមអ្នកកាសែតថា៖ «ការយកចិត្តទុកដាក់ជាពិសេស ដើម្បីកាត់បន្ថយចំនួនអ្នកស្លាប់ និងកាត់បន្ថយសមត្ថភាពរបស់អាជ្ញាធរដាក់ឲ្យនៅដាច់ដោយឡែកពីគេ ទៅលើការទប់ស្កាត់ក្រុមអ្នកឆ្លងនៅមន្ទីរពេទ្យ ដែលបានដាក់មនុស្សយ៉ាងច្រើននោះ»។
ប្រធានាធិបតីកូរ៉េខាងត្បូងបានថ្លែងថា វាបានក្លាយទៅជារឿងមិនអាចគេចវេះបាន ដើម្បីបិទសាលារៀនម្តងទៀត។
រដ្ឋាភិបាលបានសម្រេចចិត្តជាដំណាក់កាលនៅក្នុងការបង្រៀនក្រុមសិស្សសាលាតាមអនឡាញ៕ Yonhap/SK