ក្រុងកូឡុំបូ៖ អ្នកនាំពាក្យរបស់លោកបានថ្លែងកាលពីថ្ងៃសៅរ៍បន្ទាប់ពីការប្រយុទ្ធ ដើម្បីឲ្យមានការបោះឆ្នោតរយៈពេល ៧ ខែ ក្រោយពីការវាយប្រហាររបស់ក្រុមជនអ៊ិស្លាមនិយម បានបង្កឲ្យមនុស្ស ២៦៩ នាក់ស្លាប់ថា អតីតរដ្ឋមន្ត្រីការពារជាតិសម័យសង្គ្រាមនៃប្រទេស ស្រីលង្កា លោក ហ្គោតាបាយ៉ា រ៉ាចាប៉ាកសា បានជាប់ឆ្នោតជាប្រធានាធិបតី។
លោកវវៈសេនីយ៍ទោមានវ័យ ៧០ ឆ្នាំទទួលបានសំឡេងឆ្នោតសរុប ៤៨,២ ភាគរយ ដោយសន្លឹកឆ្នោតជិត ៣ លានសន្លឹក ដែលត្រូវបានគេរាប់ ប៉ុន្តែលទ្ធផលមកពីតំបន់មានភាគច្រើនជាជនភាគតិចស៊ីនហាឡាជាមូលដ្ឋានគាំទ្រសំខាន់របស់លោក រ៉ាចាប៉ាកសា ត្រូវបានរំពឹងថា នឹងលើសពី ៥០ ភាគរយ។
អ្នកនាំពាក្យរបស់លោក រ៉ាចាប៉ាកសា គឺលោក Keheliya Rambukwella បានថ្លែងប្រាប់ AFP ថា៖ «យើងបានទទួលសំឡេងឆ្នោតចន្លោះពី ៥៣ ទៅ ៥៤ ភាគរយ»។
លោក Rambukwella បានថ្លែងថា វាគឺជាការឈ្នះយ៉ាងច្បាស់។ យើងសប្បាយចិត្តណាស់ថា លោក ហ្គោតា នឹងក្លាយជាប្រធានាធិបតីបន្ទាប់។ លោកនឹងស្បថចូលកាន់តំណែងនៅថ្ងៃស្អែក ឬក៏ខានស្អែក»។
គូប្រជែងវ័យក្មេងរបស់លោក គឺលោករដ្ឋមន្ត្រីទទួលបន្ទុកកិច្ចការលំនៅឋាន សាជីត ព្រីម៉ាដាសា មានវ័យ ៥២ ឆ្នាំ ទទួលបានសំឡេងគាំទ្រ ៤៥,៣ ភាគរយ។ លោកទទួលបានសំឡេងគាំទ្រភាគច្រើននៅក្នុងតំបន់ដែលមានជនភាគតិចតាមិល និងសំឡេងគាំទ្រតិចនៅតំបន់ដែលមានជនភាគតិចស៊ីនហាឡា៕ AFP/PSA