.jpg)
លោក អាបាស (មុខគេ) កំពុងថ្លែងនៅក្នុងកិច្ចប្រជុំក្រុមប្រឹក្សាសន្តិសុខ UN។ Xinhua
បុរីញូវយ៉ក៖ ប្រធានាធិបតីប៉ាឡេស្ទីនលោក ម៉ាមុដ អាបាស កាលពីថ្ងៃអង្គារបានធ្វើការបដិសេធជាថ្មីម្តងទៀត ចំពោះផែនការសន្តិភាពនៅមជ្ឈិមបូព៌ាថ្មីរបស់អាមេរិក ដែលបានបង្ហាញកាលពីពេលថ្មីៗនេះ ដោយបានហៅផែនការនោះថា វាជាសំណើរបស់ «អ៊ីស្រាអែល និងអាមេរិក»។
លោក អាបាស បានថ្លែងប្រាប់ក្រុមប្រឹក្សាសន្តិសុខអង្គការសហប្រជាជាតិ ដែលបានជួបពិភាក្សាអំពីផែនការអាមេរិកថា៖ «ខ្ញុំបានមកជួបអ្នក តាងនាមឲ្យពលរដ្ឋប៉ាឡេស្ទីនចំនួន ១៣ លាននាក់ ដើម្បីអំពាវនាវសុំសន្តិភាពមួយប៉ុណ្ណោះ។ នោះហើយ គឺជាបញ្ហាទាំងអស់ដែលខ្ញុំត្រូវតែមកជួបអ្នកនៅថ្ងៃនេះ ដើម្បីបញ្ជាក់ម្តងហើយម្តងទៀត អំពីតួនាទីរបស់ពលរដ្ឋប៉ាឡេស្ទីន ដែលបានបដិសេធចំពោះសំណើរបស់អ៊ីស្រាអែល និងអាមេរិក។
លោក ម៉ាមុដ អាបាស បានថ្លែងថា ការទាត់ចោលម្តងហើយម្តងទៀតចំពោះផែនការនេះ ឬជាលទ្ធផលនៃវិធានការឯកតោភាគីរបស់ខ្លួន និងការពិតដែលថា វាបានបំពានការផ្តើមគំនិតស្របច្បាប់អន្តរជាតិ និងសន្តិភាពអារ៉ាប់ផងដែរ។
«ផែនការនោះ បានចាត់ទុកភាពស្របច្បាប់នៃសិទ្ធិរបស់ប៉ាឡេស្ទីន ជាមោឃៈ សិទ្ធិរបស់យើងដើម្បីការប្តេជ្ញាចិត្ត សេរីភាព និងឯករាជ្យដោយខ្លួនឯង នៅក្នុងប្រទេសរបស់យើង។ ផែនការនេះ ក៏បានធ្វើឲ្យអ្វីដែលខុសច្បាប់ទៅជាត្រឹមត្រូវតាមច្បាប់មានដូចជា ការតាំងលំនៅឋាន និងការរឹបអូសយកដី និងដាក់ទឹកដីរបស់ប៉ាឡេស្ទីនជាឧបសម្ព័ន្ធ»។
លោកប្រធានាធិបតី ម៉ាមុដ អាបាស បានថ្លែងថា៖ «ខ្ញុំអះអាងម្តងហើយម្តងទៀតថា ផែនការនេះ ឬផ្នែកណាមួយនៅក្នុងផែនការសន្តិភាពនេះ មិនគួរត្រូវបានចាត់ទុកថា ជាឯកសារយោងអន្តរជាតិសម្រាប់ការចរចាទេ»៕ Xinhua/SK
