ក្រុងរីយ៉ាដៈ អារ៉ាប៊ី សាអ៊ូឌីត បានទទួលធ្វើជាម្ចាស់ផ្ទះជំនួបកំពូលនៃក្រុមមេដឹកនាំឈូងសមុទ្រអារ៉ាប់កាលពីថ្ងៃអាទិត្យ ខណៈវិបត្តិបានកើតឡើងជុំវិញជម្លោះការទូតដ៏ជូរចត់មួយជាមួយនឹងប្រទេសកាតា សង្គ្រាមនៅយេម៉ែន និងអំពើឃាតកម្មលើអ្នកកាសែត ឈ្មោះ Jamal Khashoggi ផងនោះ។
មេដឹកនាំនៃប្រទេសកាតាលោក SheikhTamimbin Hamadal-Thani ត្រូវបានអញ្ជើញ ដោយក្រុងរីយ៉ាដ ដែលមានទំនាក់ទំនងការទូតយ៉ាងរឹងមាំជាមួយក្រុងដាហានៅឆ្នាំ ២០១៧ ជាមួយប្រទេសបារ៉ែននិងអារ៉ាប់រួមដើម្បីចូលរួមកិច្ចចរចា របស់ក្រុមប្រឹក្សា កិច្ចសហប្រតិបត្តិការឈូងសមុទ្រ (GCC)។
ប៉ុន្តែ នៅមិនទាន់ច្បាស់ថាតើមេដឹកនាំកាតារូបនោះ នឹងចូលរួមជំនួបប្រចាំឆ្នាំរបស់ GCC ដែលសមាជិកដទៃទៀតដូចជាប្រទេសកូវ៉ែត និងប្រទេសអូម៉ង់ មិនជាប់ពាក់ព័ន្ធទៅនឹងជម្លោះនយោបាយដ៏អាក្រក់បំផុតរវាងមហាអំណាចឈូងសមុទ្រ ដែលសម្បូរទៅដោយប្រេងនោះទេ។
អារ៉ាប៊ី សាអ៊ូឌីត និងក្រុមសម្ព័ន្ធមិត្តរបស់ខ្លួន បានចោទប្រកាន់លើប្រទេសកាតាពីបទគាំទ្រអំពើភេរវកម្ម និងមានទំនាក់ទំនងយ៉ាងជិតស្និទ្ធជាមួយអ៊ីរ៉ង់ ដែលជាគូសត្រូវនៅក្នុងតំបន់របស់ពួកគេ។
ក្រុងដូហា ដែលបានប្រកាសនៅខែនេះថា ខ្លួនកំពុងដកខ្លួនចេញពីក្រុមហ៊ុនអន្តរជាតិ (កាតែល) គ្រប់គ្រងដោយអារ៉ាប៊ីសាអ៊ូឌីត ហើយបានបដិសេធរាល់ការចោទប្រកាន់ទាំងអស់ប៉ុន្តែជម្លោះនោះ បានអូសបន្លាយពេលរហូតដល់បច្ចុប្បន្ននេះ។
រដ្ឋមន្ត្រីការបរទេសបារ៉ែន លោក Sheikh Khaled bin Ahmad Al-Khalifa បានថ្លែងនៅក្នុងជំនួបកំពូលនោះថា៖ «ក្រុងកាតា បានផ្តាច់ស្ពានចម្លងទាំងអស់ដែលអាចធ្វើឲ្យខ្លួន ដកថយពី GCC»។
GCC ត្រូវបានបង្កើតឡើងនៅក្នុងឆ្នាំ ១៩៨១ នៅចំពេលសង្គ្រាមអ៊ីរ៉ាក់-អ៊ីរ៉ង់ ហើយ ២ ឆ្នាំក្រោយមកបដិវត្តន៍អ៊ិស្លាមនៅក្រុងតេអេរ៉ង់ បានបង្កឲ្យមានកង្វល់នៅក្នុងក្រុមប្រទេសឈូងសមុទ្រនេះ៕