ក្រុងអាឌីស អាបេបាៈ ក្រុមមេដឹកនាំសហភាពអាហ្វ្រិក បានប្តេជ្ញាចិត្តកាលពីថ្ងៃចន្ទ ដើម្បីជំរុញឲ្យមានកិច្ចខិតខំប្រឹងប្រែងសន្តិភាពនៅក្នុងប្រទេស លីប៊ី ជាសញ្ញានៃបំណងប្រាថ្នារបស់ប្លុកមួយនេះ ដើម្បីដើរតួយ៉ាងសំខាន់មួយ នៅក្នុងការដោះស្រាយជម្លោះរបស់ទ្វីបនេះ។
មេដឹកនាំសហភាពអាហ្វ្រិក AU បានត្អូញត្អែរអំពីការមើលរំលងនៅក្នុងកិច្ចខិតខំប្រឹងប្រែង ការបង្កើតសន្តិភាពទាក់ទងទៅនឹងប្រទេស លីប៊ី ដែលត្រូវបានដឹកនាំជាពិសេសដោយអង្គការសហប្រជាជាតិ និងបណ្តាលប្រទេសអ៊ឺរ៉ុបជាប់ពាក់ព័ន្ធមួយចំនួនធំផងដែរ។
ខណៈក្រុមសមាជិកទាំង៥៥ប្រទេស បានរៀបចំជំនួបកំពូលមួយ លោក Smail Chergui ជាប្រធានក្រុមប្រឹក្សាសន្តិភាព និងសន្តិសុខនៅសហភាពអាហ្វ្រិក បានជួយស្តាដំណើរការសន្តិភាពនៅប្រទេស លីប៊ី ឲ្យល្អប្រសើរឡើងវិញ។
លោក Smail Chergui បានថ្លែងថា៖ «វាអាស្រ័យទៅលើអង្គការសហប្រជាជាតិខ្លួនឯងទេ ដែលបច្ចុប្បន្នត្រូវការពួកយើង»។ លោកបានបន្ថែមថា៖ «វាដល់ពេលត្រូវបញ្ចប់ស្ថានការណ៍នេះ ហើយអង្គការ ២ នោះ គួររួមដៃគ្នាធ្វើកិច្ចការងារទាំងអស់នោះ»៕ SK