.jpg)
ប្រធានសភាលោក ឈួន លីកផៃ ដឹកនាំក្រុមសមាជិកទាំងអស់ចុះត្រួតពិនិត្យមើលសភានៃរដ្ឋាភិបាលថ្មី។ រូបថត BKP
ក្រុងបាងកកៈ គណបក្សប្រឆាំងនឹងត្រូវបានផ្តល់ពេលឲ្យ ១៣,៥ ម៉ោង នៅក្នុងកិច្ចប្រជុំសភាមានរយៈពេល ២ ថ្ងៃ ដែលបានចាប់ផ្តើមនៅថ្ងៃព្រហស្បតិ៍ខាងមុខនេះ ដើម្បីពិភាក្សាគោលនយោបាយនានារបស់រដ្ឋាភិបាលថ្មី ជាអ្វីដែលត្រូវបានគេជឿជាក់ថានឹងជាការតស៊ូការពារលើកដំបូងរបស់លោកនាយករដ្ឋមន្ត្រី ប្រាយុធ ចាន- អូចា យ៉ាងពិតប្រាកដនៅក្នុងសភា។
ប្រមុខតម្រង់ផ្លូវរដ្ឋាភិបាល លោក វីរ៉ាត់រតនាសេត បានថ្លែងកាលពីថ្ងៃសុក្រថា ក្រុមរដ្ឋមន្ត្រី សមាជិកសភានៅក្នុងក្រុមចម្រុះ និងក្រុមសមាជិកព្រឹទ្ធសភា នឹងមានពេល ៥ ម៉ោង នៅក្នុងកិច្ចប្រជុំសភាម្តងៗ ដែលនៅចុងក្រោយនឹងមានពេលសរុបទាំងអស់ប្រហែល ២៨ ម៉ោង។
ប៉ុន្តែចំនួនពេលវេលានេះ មិនបានរាប់បញ្ចូលពេលវេលាដែលត្រូវបានផ្តល់ឲ្យលោកឧត្តមសេនីយ៍ ប្រាយុធ ចាន-អូចា ដែលជារដ្ឋមន្ត្រីការពារជាតិដែលនឹងដាក់ស្នើគោលនយោបាយទាំងអស់នេះជាផ្លូវការនោះ។
កាលបរិច្ឆេទត្រូវបានឯកភាពរួមដោយភាគីរដ្ឋាភិបាល និងអ្នកតម្រង់ផ្លូវរបស់គណបក្សប្រឆាំង។
ទោះបីជាទិដ្ឋភាពនៃការពិភាក្សាបានធ្វើឡើងនៅពេលខាងមុខក្តី ក៏លោក វីរ៉ាត់ បានថ្លែងថា គឺមិនមានការចាំបាច់ត្រូវបង្កើត «ក្រុមការពារ» សមាជិកសភា ដើម្បីការពាររដ្ឋាភិបាលទេ។
លោក វីរ៉ាត់ បានថ្លែងថា លោកបានស្នើឲ្យសមាជិកសភាបក្សប្រឆាំងត្រូវផ្តោតទៅលើគោលនយោបាយទាំងនោះ មិនមែនជជែកយកឈ្នះចាញ់ជុំវិញគុណសម្បត្តិរបស់លោកឧត្តមសេនីយ៍ ប្រាយុធ ចាន-អូចា ដែលលោកបានបំភ្លឺនៅក្នុងសភារួចមកហើយនោះទេ។
លោក វីរ៉ាក់ បានថ្លែងហើយជឿជាក់ថា ក្រុមសមាជិកសភាមានលក្ខណសម្បត្តិគ្រប់គ្រាន់ ដើម្បីសម្រេចចិត្តទៅលើអ្វីដែលត្រូវធើ្វ៕ BKP/SK
