.jpg)
លោក ប្រាយុធ ចានអូចា ថ្លែងឆ្លើយតបសំណួររបស់ក្រុមបក្សប្រឆាំងនៅថ្ងៃទី ២ នៃកិច្ចពិភាក្សារិះគន់នៅក្នុងសភា។ BKP
ក្រុងបាងកកៈ អ្នកស្រាវជ្រាវម្នាក់បានថ្លែងកាលពីថ្ងៃអង្គារថា សមាជិកសភាបាត់បង់តំណែង ៩ នាក់មកពីគណបក្សអនាគតឆ្ពោះទៅមុខ (FFP) ដែលត្រូវបានតុលាការធម្មនុញ្ញថៃរំលាយកាលពីពេលថ្មីៗនេះបានសុំចុះចូលជាមួយគណបក្សភូមិចៃថៃ ដើម្បីតថ្លៃអំណាចចុងក្រោយនៅក្នុងរដ្ឋាភិបាលចម្រុះ ហើយជាឱកាសបានក្លាយជានាយករដ្ឋមន្ត្រីអាណត្តិក្រោយរបស់មេដឹកនាំរបស់ខ្លួនផងដែរ។
ប្រភពមួយនៅក្នុងសភាបានថ្លែងថា សមាជិកសភា និងមន្ត្រីជំនាញរបស់គណបក្សភូមិចៃថៃគឺលោក ស៊ុផាឆៃ ចៃសាមុត បានសរសេរលិខិតជូនដំណឹងទៅប្រធានសភាលោក ឈួន លីកផៃថា សមាជិកសភា ៩ រូបមកពីគណបក្សអនាគតឆ្ពោះទៅមុខបានដាក់ពាក្យចូលរួមជាមួយគណបក្សភូមិចៃថៃ។
ប្រភពនោះបានថ្លែងថា បញ្ហានេះបាននាំឲ្យចំនួនសមាជិកសភារបស់គណបក្សភូមិចៃថៃកើនឡើងរហូតដល់ ៦១ នាក់ដោយមានចំនួនច្រើនជាងសមាជិកសភារបស់គណបក្សប្រជាធិបតេយ្យ ដែលបានធ្វើឲ្យគណបក្សមួយនេះក្លាយជាគណបក្សធំជាងគេទី ២ នៅក្នុងក្រុមចម្រុះ។
ប្រភពដដែលនោះបានបន្ថែមថា គណបក្សភូមិចៃថៃបានក្លាយជាគណបក្សធំជាងគេទី ៣ របស់ប្រទេសមួយនេះ ក្រោយពីគណបក្សភឿថៃ និងគណបក្សផាឡាំងប្រាឆារ៉ាត់ (PP-RP) កំពុងគ្រប់គ្រងអំណាចនោះ។
គណបក្ស FFP ត្រូវបានរំលាយកាលពីថ្ងៃសុក្រដោយតុលាការធម្មនុញ្ញថៃ ជុំវិញប្រាក់កម្ចីចំនួន ១៩១,២ លានបាតដែលខ្លួនបានទទួលពីអតីតមេដឹកនាំបក្សគឺលោក ថាណាថន ជឹងរុងរឿងគីត។
ក្រុមនាយកប្រតិបត្តិចំនួន ១៦ នាក់របស់ខ្លួនត្រូវបានគេហាមប្រាមមិនឲ្យធ្វើនយោបាយរយៈពេល ១០ ឆ្នាំ ខណៈក្រុមសមាជិកសភារបស់ខ្លួនដែលបច្ចុប្បន្នបានទៅចុះចូលជាមួយគណបក្សថ្មី នៅក្នុងរយៈពេល ៣០ ថ្ងៃ ឬពួកគេបានបាត់បង់ឋានៈជាសមាជិកសភាផងនោះ។
មេដឹកនាំបក្សភូមិចៃថៃលោក អនុធីន ឆានវីរៈគុល កំពុងថ្លែងទៅកាន់អ្នកកាសែតមុនចាប់ផ្តើមធ្វើសិក្ខាសាលាបក្ស។ BKP
លោក ស៊ុមចៃ ផាកាផាស្វីវ៉ាត់ ជាអ្នកស្រាវជ្រាវឯករាជ្យម្នាក់បានថ្លែងប្រាប់កាសែតបាងកកប៉ុស្តិ៍ថា សមាជិកសភាបាត់បង់តំណែង ៩ នាក់នឹងជំរុញឲ្យមានការរិះគន់គោលនយោបាយរបស់មេដឹកនាំគណបក្សភូមិចៃថៃ គឺលោក អានុធីន ឆានវីរៈគុល នៅក្នុងរដ្ឋាភិបាលចម្រុះ។
លោក ស៊ុមចៃ ផាកាផាស្វីវ៉ាត់ បានថ្លែងថា ទោះបីជាបក្សភូមិចៃថៃនឹងដើរតួសំខាន់ទី ២ បន្ទាប់ពីគណបក្សផាឡាំងប្រាឆារ៉ាត់ PPRP ដែលនាយករដ្ឋមន្ត្រីលោក ប្រាយុធ ចានអូចា បានឈរនៅខាងភាគីរបស់ខ្លួនក្តី ក៏លោក អានុធីន នៅតែមានឱកាសល្អបំផុត ដើម្បីក្លាយជានាយករដ្ឋមន្ត្រីនៅអាណត្តិក្រោយ ប្រសិនបើមានការផ្លាស់ប្តូរមេដឹកនាំរដ្ឋាភិបាលមួយភ្លាមៗនោះ។
លោកបានថ្លែងថា បុគ្គលិកលក្ខណៈរបស់លោក អានុធីន បានអនុញ្ញាតឲ្យលោកធ្វើការជាមួយគណបក្សភឿថៃ ឬបក្សប្រជាធិបតេយ្យ៕ BKP/SK
ក្រុមនិស្សិតកាន់បដាប្រឆាំងនាយករដ្ឋមន្ត្រី ប្រាយុធ ចានអូចា និងតុលាការធម្មនុញ្ញថៃ។ AFP
