.jpg)
ប៉ូលីសប្រឆាំងកុបកម្មរត់តាមផ្លូវមួយនៅក្នុងការតវ៉ារបស់ក្រុងអាវកាក់ពណ៌លឿង។ AFP
ក្រុងប៉ារីសៈ សមាជិកសហជីព និងសកម្មជនឆ្វេងនិយមរាប់ពាន់នាក់ បានចូលរួមជាមួយក្រុមអ្នកតវ៉ា «អាវកាក់ពណ៌លឿង» នៅក្រុងប៉ារីសកាលពីថ្ងៃសៅរ៍ ជាការទាត់ចោលសំណើ កាត់ពន្ធរបស់លោកប្រធានាធិបតីបារាំង អេម៉ានុយអែល ម៉ាក្រុង ថាជាការយឺតពេលពេកហើយ។
ការដង្ហែក្បួននៅក្រុងប៉ារីស ដែលបានរៀបចំដោយសមាជិកសហជីពសហព័ន្ធការងារ (CGT) បានកើតឡើងនៅមុនការប្រមូលផ្ដុំដ៏ធំនៅក្រុង Strasbourg ភាគខាងកើត ជាទីដែលក្រុមបាតុករ បានប៉ះទង្គិចជាមួយប៉ូលិស។
ក្រុមជើងខ្លាំងរបស់ចលនា «អាវកាក់ពណ៌លឿង» ដែលបានចាប់ផ្តើមធ្វើបាតុកម្មនៅទីជនបទប្រទេស បារាំង អស់រយៈពេល ៦ ខែមកហើយ នៅក្នុងការប្រឆាំងទៅនឹងផែនការដំឡើងថ្លៃប្រេង និងប្រាក់ពន្ធសោធននិវត្តន៍នោះ បានបង្កឲ្យមានការដង្ហែក្បួនជាបន្តបន្ទាប់នៅក្រុងប៉ារីស។
ប៉ុន្តែនៅក្នុងការវិវឌ្ឍថ្មីមួយ ក្រុមមន្ត្រីជាន់ខ្ពស់ចេញពីបក្សនយោបាយឆ្វេងនិយម បានចូលរួមដង្ហែក្បួនជាមួយក្រុមអ្នកតវ៉ាទាំងនោះ នៅក្នុងនោះ មានសមាជិកសភា គឺលោក Jean-Luc Melenchon ជាអ្នកនយោបាយគូបដិបក្ខ និងជាអ្នករិះគន់លោក ម៉ាក្រុង ឥតសំចៃផងដែរ។
ចលនានៅក្នុងប៉ុន្មានខែថ្មីៗនេះ ដែលបានផ្ទុះឡើងឈានដល់ការបះបោរប្រឆាំងរដ្ឋាភិបាល ដោយមានការដង្ហែក្បួនរៀងរាល់សប្តាហ៍ ដែលបានទាក់ទាញមនុស្សរាប់ពាន់នាក់ឲ្យចូលរួមក្រុមឥស្សរជនដែលលេចធ្លោបានបញ្ជាក់ថា ជាកិច្ចខិតខំប្រឹងប្រែងរបស់ក្រុមគណបក្សប្រកាន់ឆ្វេង ឬ ស្តាំនិយម ដោយបង្កឲ្យមានការព្រួយបារម្ភថា បុព្វហេតុរបស់ពួកគេអាចនាំឲ្យមានការចាប់ខ្លួន។
លោក ម៉ាក្រុង បានកាត់បន្ថយវិធានការចម្រូងចម្រាសខ្លះៗរបស់លោកនៅប៉ុន្មានសប្តាហ៍នេះ៕ AFP/SK
