ក្រុងវ៉ាទីកង់៖ សម្តេច ប៉ាប ហ្វ្រង់ស៊ីស ដែលមានក្តីសង្ឃឹមអស់រយៈពេលជាច្រើនឆ្នាំមកហើយ ដើម្បីធ្វើជាអ្នកផ្សព្វផ្សាយសាសនាម្នាក់នៅប្រទេស ជប៉ុន បានធ្វើដំណើរទៅកាន់កន្លែងវាយប្រហារគ្រាប់បែកបរមាណូតែមួយគត់របស់ពិភពលោកនៅសប្តាហ៍នេះ ដែលបានស្វះស្វែងរកឲ្យមានការហាមប្រាមមិនឲ្យប្រើប្រាស់អាវុធនុយក្លេអ៊ែរ។
បព្វជិតអាហ្សង់ទីន មានព្រះជន្ម ៨២ ព្រះវស្សា បានជិះយន្តហោះទៅអាស៊ីនៅថ្ងៃអង្គារនេះ ជាទីដែលព្រះអង្គនឹងធ្វើទស្សនកិច្ចជាលើកដំបូងទៅកាន់ប្រទេស ថៃ ហើយបន្ទាប់មកប្រទេស ជប៉ុន នៅក្នុងនោះមានកន្លែង ២ ដែលបានបំផ្លាញ ដោយគ្រោះមហន្តរាយការវាយប្រហារនុយក្លេអ៊ែររបស់អាមេរិក នៅក្នុងសង្គ្រាមលោកលើកទី ២។
ទោះបីជាប្រទេសទាំង ២ មានពលរដ្ឋកាន់សាសនាកាតូលិកតិចជាង ០,៦ ភាគរយ ក្តី ក៏សម្តេច ប៉ាប ហ្វ្រង់ស៊ីស មានបំណងចង់ពិភាក្សាជាអន្តរសាសនាជាមួយពួកគេដែរ។
ព្រះអង្គនឹងទៅដល់ប្រទេស ថៃ នៅថ្ងៃពុធខាងមុខនេះ នៅមុនការជិះយន្តហោះទៅកាន់ប្រទេស ជប៉ុន នៅថ្ងៃសៅរ៍ ជាទីដែលព្រះអង្គនឹងស្នាក់នៅរហូតដល់ថ្ងៃទី ២៦ ខែវិច្ឆិកា។
នៅថ្ងៃអាទិត្យ គឺជាថ្ងៃធ្វើដំណើរដ៏វែងឆ្ងាយមួយ ជាមួយទស្សនកិច្ចទៅទីក្រុងណាហ្គាសាគី និងហ៊ីរ៉ូស៊ីម៉ា ជាទីដែលមនុស្សយ៉ាងតិច ៧៤ ពាន់នាក់ និង ១៤ ម៉ឺននាក់ បានស្លាប់ដោយសារការវាយប្រហារគ្រាប់បែកបរមាណូ។
នៅថ្ងៃទី ៦ ខែ សីហា ឆ្នាំ ១៩៤៥ ការវាយប្រហារទៅលើទីក្រុងហ៊ីរ៉ូស៊ីម៉ា និងក្រុងណាហ្គាសាគី ៣ ថ្ងៃ ក្រោយមកបានធ្វើឲ្យប្រទេស ជប៉ុន ចុះចាញ់ ហើយបានបញ្ចប់សង្គ្រាមលោកលើកទី ២ កាលពីថ្ងៃទី ១៥ ខែសីហា ហើយជាច្រើនខែក្រោយមកទៀត បានគ្រប់គ្រងអាល្លឺម៉ង់ណាហ្ស៊ី។
បិតា Yoshio Kajiyama ជានាយកមជ្ឈមណ្ឌលសង្គមសមាជិកនៃសាសនាកាតូលិក បានបង្កើតឡើងនៅក្នុងទីក្រុងហ៊ីរ៉ូស៊ីម៉ាមានរយៈពេលដ៏ខ្លីក្រោយពីសង្គ្រាម និងកំពុងរង់ចាំសុន្ទរកថាប្រឆាំងអាវុធនុយក្លេអ៊ែររបស់សម្តេច ប៉ាបហ្វ្រង់ស៊ីស យ៉ាងអន្ទៈសានៅទីនោះ។
មនុស្សម្នាក់មានវ័យ ៦៤ ឆ្នាំ បាននិយាយថា៖ «ជីតារបស់ខ្ញុំ បានស្លាប់នៅថ្ងៃទម្លាក់គ្រាប់បែកបរមាណូនៅទីក្រុងហ៊ីរ៉ូស៊ីម៉ា ខ្ញុំមិនដែលបានស្គាល់គាត់នោះទេ។ ៤ ថ្ងៃក្រោយមកទៀត អ៊ុំស្រីរបស់ខ្ញុំ ក៏បានស្លាប់នៅពេលគាត់មានអាយុ ១៥ ឆ្នាំ»។
«ប្រសិនបានធំឡើងនៅក្នុងទីក្រុងហ៊ីរ៉ូស៊ីម៉ា អ្នកមិនអាចបំភ្លេចគ្រាប់បែកបរមាណូនោះជាដាច់ខាត»។
បព្វជិតនៅបុរីវ៉ាទីកង់ទី ២ លោក Pietro Parolin បានថ្លែងប្រាប់អង្គការសហប្រជាជាតិកាលពីខែកញ្ញាថា សម្តេច ប៉ាបហ្វ្រង់ស៊ីស នឹងធ្វើការ «អំពាវនាវឲ្យបានខ្លាំងក្លាមួយទៅតាមលទ្ធភាពដែលអាចធ្វើទៅបាន នៅក្នុងវិធានការរួមគ្នា ដើម្បីលុបបំបាត់អាវុធនុយក្លេអ៊ែរទាំងស្រុង»។
ប្រធានអ្នកកាន់សាសនាកាតូលិក ដែលមានសមាជិកចំនួន ១,៣ ពាន់នាក់ របស់ពិភពលោក បានថ្លែងប្រាប់ទូរទស្សន៍ជប៉ុនកាលពីខែកញ្ញាថា៖ «ការប្រើប្រាស់ថាមពលបរមាណូដើម្បីធ្វើសង្គ្រាមនោះ គឺជារឿងអសីលធម៌បំផុត។
សមាជិកម្នាក់របស់ប្រតិភូអ្នកការទូតជប៉ុនពីមុន ប្រចាំនៅបុរីវ៉ាទីកង់ គឺលោក Shigeru Tokuyasu បានថ្លែងថា លោកសង្ឃឹមថា ទស្សនកិច្ចនោះ នឹងទាញពិភពលោកឲ្យថយក្រោយចេញពី «សកលភាវូបនីយកម្មមិនចុះសម្រុងគ្នាវិញ» ជុំវិញអាវុធនុយក្លេអ៊ែរនោះ។
ប៉ុន្តែលោកបានថ្លែងថា សម្តេច ប៉ាប គួរចៀសវាងការពិភាក្សាបញ្ហានយោបាយដ៏រសើបនោះ៕ AFP/SK