.jpg)
Kasarin Khamkhao (ឆ្វេង) និង Sanicha Maneetes មកពីប្រទេស ថៃ។AFP
ក្រុងដែនផាសារ៖ ទីភ្នាក់ងារគយនៃកោះលំហែកម្សាន្តឥណ្ឌូនេស៊ី បានថ្លែងកាលពីថ្ងៃចន្ទថា ស្ត្រីជនជាតិថៃ ២ នាក់ និងបុរសបារាំងម្នាក់ អាចប្រឈមទោសប្រហារជីវិត ក្រោយពីពួកគេត្រូវបានចាប់ខ្លួនពីបទរត់ពន្ធគ្រឿងញៀនចូលទៅកោះបាលី។
អាជ្ញាធរនិយាយថា ស្ត្រីថៃទាំងនោះដែលត្រូវគេកំណត់អត្តសញ្ញាណថា Kasarin Khamkhao និង Sanicha Maneetes បានមកដល់កាលពីសប្តាហ៍មុនដោយជិះយន្តហោះមកពីក្រុងបាងកក ហើយមន្ត្រីព្រលានយន្តហោះបានរកឃើញគ្រឿងញៀនមេតំហ្វេតាមីនជិត ១ គីឡូក្រាម ដែលត្រូវលាក់នៅក្រោមសម្លៀកបំពាក់របស់ពួកគេ។
លោក Himawan Indarjono ជាប្រធានអន្តោប្រវេសន៍នៅព្រលានយន្តហោះអន្តរជាតិកោះបាលី បានថ្លែងប្រាប់ក្រុមអ្នកកាសែតកាលពីថ្ងៃចន្ទថា៖ «ការធ្វើតេស្តបានបញ្ជាក់ថា កញ្ចប់ទាំងអស់នោះមានផ្ទុកគ្រឿងញៀនមេតំហ្វេតាមីនទម្ងន់សុរប ៩៥៨ ក្រាម»។
ស្ត្រីទាំង ២ នាក់នោះ ម្នាក់ជាអ្នកបោសសម្អាត និងម្នាក់ទៀតជាអ្នកបើកហាងជួលម៉ូតូនៅក្នុងប្រទេស ថៃ អាចប្រឈមការប្រហារជីវិតប្រសិនត្រូវកាត់ទោសនៅក្នុងប្រទេសភាគច្រើនកាន់មូស្លីមនេះ ដែលមានច្បាប់ខ្លះតឹងរ៊ឹងជាងគេបំផុតនៅក្នុងពិភពលោក។
យោងតាមក្រុមអាជ្ញាធរបានឲ្យដឹងថា ជនជាតិបារាំងឈ្មោះ Olivier Jover ត្រូវចាប់ខ្លួននៅកោះបាលី ក្រោយពីកញ្ចប់មួយត្រូវបានផ្ញើចេញពីប្រទេសកំណើតរបស់លោកដែលមានគ្រឿងញៀនកូកាអ៊ីនប្រហែល ២២,៥ ក្រាម មកដល់ព្រលានយន្តហោះនោះ៕ AFP/PSA
