ក្រុងឡុងដ៍ៈ កាលពីថ្ងៃចន្ទ អង់គេ្លសបានប្រកាសថា ខ្លួនកំពុងជំរុញឲ្យដៃគូក្រុមប្រឹក្សាសន្តិសុខអង្គការសហប្រជាជាតិដោះស្រាយវិបត្តិមនុស្សធម៌នៅក្នុងប្រទេសយេម៉ែន ដោយថ្លែងថា ឥឡូវនេះ ទំនងជាមានឱកាសសម្រាប់ព្រមព្រៀងសន្តិភាពមួយ។
បើយោងតាមសេចក្តីថ្លែងការណ៍មួយរបស់ការិយាល័យកិច្ចការការបរទេសបានឲ្យដឹងថា លោករដ្ឋមន្ត្រីការបរទេស Jeremy Hunt បានឯកភាពជាមួយប្រេសិតពិសេសអង្គការសហប្រជាជាតិប្រចាំនៅយេម៉ែន លោក Martin Griffiths ថាដល់ពេលវេលាសម្រាប់ក្រុមប្រឹក្សានេះធ្វើការជំរុញដំណើរការដឹកនាំ អ.ស.ប.។
លោក Hunt បានថ្លែងថា៖ «ដោយជម្លោះនៅយេម៉ែនអូសបន្លាយយូរណាស់ហើយនោះភាគីទាំង ២ មានជំនឿចិត្តថា ដំណោះស្រាយយោធាមួយ គឺអាចដោះស្រាយផលវិបាកនៃ មហន្តរាយនោះសម្រាប់ប្រជាជននៅក្នុងប្រទេសនេះ»។ «ឥឡូវនេះ ជាលើកដំបូងហើយដែលទំនងជាមានឱកាសមួយ ដែលភាគីទាំង ២ អាចត្រូវបានលើកទឹកចិត្តឲ្យងាកមករកតុចរចា បញ្ឈប់ការកាប់សម្លាប់គ្នាហើយស្វែងរកដំណោះស្រាយនយោបាយមួយដែលជាដំណោះស្រាយរយៈពេលវែងដើម្បីចេញឲ្យផុតពីគ្រោះមហន្តរាយនេះ»។
លោកបានថ្លែងបន្ថែមទៀតថា អង់គ្លេសនឹងប្រើប្រាស់ «ឥទ្ធិពលរបស់ខ្លួនទាំងអស់ដើម្បីជំរុញឲ្យមានដំណោះស្រាយមួយ» ដោយថ្លែងថាគឺមាន «សង្ឃឹមតិចតួច ប៉ុន្តែមានឱកាសពិតប្រាកដ ដែលកាត់បន្ថយភាពអរិភាពអាចបន្ធូរបន្ថយការឈឺចាប់របស់ប្រជាជនបាន៕