.jpg)
នាវា HMS Duncan របស់ទាហានជើងទឹកអង់គ្លេស ដាក់ពង្រាយនៅក្បែរដែនទឹកអ៊ីរ៉ង់។ AFP
ក្រុងឡុងដ៍ៈ រដ្ឋមន្ត្រីការបរទេសអង់គ្លេស លោក Jeremy Hunt បានស្វះស្វែងដើម្បីបន្ធូរបន្ថយភាពតានតឹងជាមួយអ៊ីរ៉ង់កាលពីថ្ងៃសៅរ៍ ដោយបានថ្លែងថា នាវាដឹកប្រេងមួយគ្រឿង ដែលឃាត់ទុកដោយក្រុងហ្គីប្រាលតា នឹងត្រូវបានដោះលែងវិញ ប្រសិនបើក្រុងតេអេរ៉ង់ ធានាថា ខ្លួនមិនដឹកប្រេងនោះទៅកាន់ប្រទេស ស៊ីរី ទេ។
លោក Jeremy Hunt បានធ្វើការ «សន្ទនាតាមទូរស័ព្ទជាវិជ្ជមាន» ជាមួយសមភាគីអ៊ីរ៉ង់របស់លោក គឺលោក ម៉ូហាម៉ាដ ចាវ៉ាដ ហ្សារីហ្វ ដែលលោកបានថ្លែងឲ្យមានការធានាថា ក្រុងតេអេរ៉ង់ «មិនមែនកំពុងធ្វើឲ្យមានភាពតានតឹងកាន់តែខ្លាំងឡើង» រវាងប្រទេសទាំងអស់នេះមែននោះ។
លោក Hunt បានថ្លែងនៅក្នុងគេហទំព័រធ្វីធើរថា៖ «ខ្ញុំបានធានាចំពោះលោកជាថ្មីថា ការព្រួយបារម្ភរបស់យើង គឺជាគោលដៅមិនមែនដើមហេតុចេញពីប្រភពប្រេងនៅតំបន់ Grace One នោះទេ» នាវាដឹកប្រេងមួយគ្រឿង ដែលត្រូវបានឃាត់ទុកនៅម្តុំឆ្នេរសមុទ្រដែនទឹកអង់គ្លេសមួយរយៈខ្លី កាលពីថ្ងៃទី ៤ ខែ កក្កដា។
រថយន្តដឹករ៉ុក្កែតរបស់កងការពារបដិវត្តន៍អ៊ីរ៉ង់បាញ់ចេញពីទីតាំងមួយដែលគេមិនស្គាល់។ AFP
សេចក្តីថ្លែងការណ៍របស់អ៊ីរ៉ង់ បានបញ្ជាក់អះអាងថា ការពិភាក្សាគ្នាក្រៅផ្លូវការលោក Hunt បានថ្លែងថាប្រទេស អ៊ីរ៉ង់ អាច «មានសិទ្ធិនាំប្រេងចេញ»។ សេចក្តីថ្លែងការណ៍នោះបានបន្ថែមថា ក្រុងតេអេរ៉ង់មានក្តីសង្ឃឹមថា នឹងមានការស៊ើបអង្កេតមួយទៅលើការឃាត់ទុកនាវាដឹកប្រេងនោះនៅក្រុងហ្គីប្រាលតា «ហើយនឹងឈានទៅរកការដោះលែងនាវាដឹកប្រេងរបស់អ៊ីរ៉ង់ក្នុងពេលឆាប់ៗនេះ»។
ក្រុមមន្ត្រីរបស់អាមេរិក បានជឿជាក់ថា នាវានោះមានគោលដៅដឹកប្រេងទៅកាន់ប្រទេស ស៊ីរី ជាការរំលោភលើការដាក់ទណ្ឌកម្មរបស់អឺរ៉ុប និងអាមេរិក។
លោក Hunt បានថ្លែងថា អង់គ្លេស «នឹងសម្រួលឲ្យមានការដោះលែង» ប្រសិនបើយើងត្រូវបានធានាថា អ៊ីរ៉ង់នឹងមិនដឹកប្រេងទៅកាន់ប្រទេស ស៊ីរី បន្ទាប់ពីមានដំណើរការនៅក្នុងការសម្របសម្រួលនៅក្រុងហ្គីប្រាលតា។
«បញ្ហានោះ ត្រូវបានថ្លែងប្រាប់ដោយរដ្ឋមន្ត្រីការបរទេសអ៊ីរ៉ង់លោក ហ្សារីហ្វថា អ៊ីរ៉ង់នឹងដោះស្រាយបញ្ហាទាំងនោះ ហើយនឹងមិនធ្វើឲ្យមានភាពតានតឹងនោះទេ»។
ក្រុងតេអេរ៉ង់ បានខឹងសម្បាយ៉ាងខ្លាំងចំពោះការឃាត់ទុកនាវាដឹកប្រេងនោះ ហើយអង់គ្លេសកាលពីសប្តាហ៍មុនបាននិយាយថា នាវាយោធារបស់អ៊ីរ៉ង់ បានព្យាយាម «ឃាត់» នាវាដឹកប្រេងរបស់អង់គ្លេសមួយគ្រឿងនៅច្រកសមុទ្រ Hormuz នោះ៕ AFP/SK
