.jpg)
ក្រុមអ្នកតវ៉ាប៉ាឡេស្ទីន កាន់រូបថតរបស់សាច់ញាតិដែលជាប់ពន្ធនាគារអុីស្រាអែលនៅក្នុងអំឡុងការធ្វើបាតុកម្មនៅក្នុងតំបន់វ៉េសបែង។ AFP
ក្រុងហ៊្សេរុយសាឡិម៖ អង្គការក្រៅរដ្ឋាភិបាល (NGO) មួយកាលពីថ្ងៃអាទិត្យ បានចោទប្រកាន់កងកម្លាំងសន្តិសុខអ៊ីស្រាអែលពីបទធ្វើទារុណកម្មទៅលើពលរដ្ឋប៉ាឡេស្ទីនម្នាក់ ដែលបានចាប់ខ្លួនពីបទសង្ស័យទៅលើការដឹកនាំក្រុមមួយនៅក្រោយការវាយប្រហារគ្រាប់បែកនៅតំបន់វ៉េសបែង ដែលបានសម្លាប់ក្មេងជំទង់អ៊ីស្រាអែលម្នាក់។
ប៉ូលិសអ៊ីស្រាអែល និងទីភ្នាក់ងារសន្តិសុខក្នុងស្រុក Shin Bet បានថ្លែងកាលពីល្ងាចសៅរ៍ថា ពួកគេបានចាប់ខ្លួនសមាជិក ៣ នាក់ នៃរណសិរ្សប្រជាជន ដើម្បីសេរីភាពប៉ាឡេស្ទីនអស់ជាច្រើនសប្តាហ៍ហើយ ជុំវិញការវាយប្រហារគ្រាប់បែកកាលពីថ្ងៃទី ២៣ ខែ សីហា កន្លងទៅ។
ការបំផ្ទុះគ្រាប់បែកនៅក្បែររថយន្តមួយនៅក្បែរលំនៅឋាន Dolev របស់ជនជាតិជី្វហ្វ នៅទីក្រុង Ramallah ភាគឦសាន នៅក្នុងតំបន់វ៉េសបែង បានបណ្តាលឲ្យក្មេងស្រីជំទង់ Rina Shnerb អាយុ ១៧ ឆ្នាំម្នាក់ស្លាប់ ហើយឪពុក និងប្អូនប្រុសរបស់នាងរងរបួសនៅក្នុងការបំផ្ទុះនោះ។
ទីភ្នាក់ងារសារព័ត៌មាន Shin Bet បានផ្តល់អត្តសញ្ញាណក្រុមមេដឹកនាំនោះថា ជាក្រុម Samer al Arbeed។ ទីភ្នាក់ងារនេះបានថ្លែងថា ក្រុមនោះ «កំពុងរៀបចំការវាយប្រហារជាច្រើនទៀត»៕ AFP/SK
