.jpg)
លោកស្រីស៊ូជី ត្រូវស្វាគមន៍ដោយអ្នកស្រុកកូរ៉េខាងត្បូងអំឡុងទស្សនកិច្ច។ AFP
ក្រុងសេអ៊ូលៈ ក្រុមអ្នករៀបចំបានថ្លែងកាលពីថ្ងៃអង្គារថា អង្គការសិទ្ធិមនុស្សមួយនៅក្នុងចំណោមអង្គការសិទ្ធិមនុស្សធំៗរបស់កូរ៉េខាងត្បូង បានដកហូតពានរង្វាន់របស់ខ្លួនកាលពីឆ្នាំ ២០០៤ ពី មេដឹកនាំប្រទេសមីយ៉ាន់ម៉ា លោកស្រីអ៊ុងសាន ស៊ូជី ដោយសារតែ «ភាពព្រងើយកន្តើយ» របស់លោកស្រីចំពោះអំពើដ៏សាហាវឃោរឃៅប្រឆាំងនឹងជនភាគតិចរ៉ូហ៊ីងយ៉ា។
លោកស្រីស៊ូជី មិនមានសមត្ថភាពទទួលបានពានរង្វាន់សិទ្ធិមនុស្ស Gwangju នៅពេលនោះបានទេ ដោយសារតែលោកស្រី ត្រូវដាក់ឲ្យជាប់ឃុំនៅក្នុងផ្ទះដោយរបបយោធានោះ។
គណបក្សរបស់លោកស្រី ចាប់តាំងពីបានឡើងកាន់អំណាចនៅមីយ៉ាន់ម៉ា និងម្ចាស់រង្វាន់ណូបែលសន្តិភាព បានទទួលងារជាប្រធានទីប្រឹក្សារដ្ឋផងដែរ ប៉ុន្តែយុទ្ធនាការលទ្ធិប្រជាធិបតេយ្យនេះ ត្រូវបានគេចោទប្រកាន់ពីបទព្រងើយកន្តើយ ឬ ការសមគំនិតនៅក្នុងការធ្វើទុក្ខបុកម្នេញលើជនរ៉ូហ៊ីងយ៉ានោះ។
អង្គការសហប្រជាជាតិ បានព្រមានថា ជនជាតិភាគតិចមូស្លីម នៅតែប្រឈមអំពើប្រល័យពូជសាសន៍។ អ្នកនាំពាក្យមូលនិធិ May 18 Memorial Foundation លោក Cho Jintae បានថ្លែងប្រាប់ AFP ថា៖ «ការព្រងើយកន្តើយរបស់លោកស្រីចំពោះអំពើដ៏ឃោរឃៅប្រឆាំងជនរ៉ូហ៊ីងយ៉ានោះផ្ទុយពីតម្លៃនៃពានរង្វាន់នេះ»។
លោកបានបន្ថែមទៀតថា ជាលទ្ធផល ក្រុមប្រឹក្សាភិបាលនៃមូលនិធិនេះ បានសម្រេចដកពានរង្វាន់ពីលោកស្រីស៊ូជី កាលពីថ្ងៃចន្ទ៕
