.jpg)
ប្រធានាធិបតីស៊ីរីលោក បាសារ អាល់អាសាដ (ស្តាំ) ជួបពិភាក្សាជាមួយរដ្ឋមន្ត្រីការបរទេសកូរ៉េខាងជើងលោក Ri Yong Ho។ AFP
ក្រុងអាម៉ាន់ៈ អង្គការសហប្រជាជាតិ បានថ្លែងកាលពីថ្ងៃអាទិត្យថា ខ្លួនចាប់ផ្តើមផ្តល់ជំនួយទៅឲ្យប្រជាជនស៊ីរ៉ីរាប់សែននាក់តាមរយៈការឆ្លងកាត់ព្រំដែន Jaber-Nassib ជាមួយប្រទេសហ្ស៊កដានី ដែលបានបើកឡើងវិញ ២ ខែកន្លងទៅនោះ។
ភ្នាក់ងារមនុស្សធម៌អង្គការសហប្រជាជាតិ (OCHA) បានថ្លែងថា៖ «រថយន្តចំនួន ៣៦៩ គ្រឿង ដែលដឹកជញ្ជូនជំនួយចំនួន ១១ ២០០ តោនសម្រាប់មនុស្ស ៦៥០ ពាន់នាក់» នឹងត្រូវចូលរួមនៅក្នុងកិច្ចប្រតិបត្តិការរយៈពេល ៤ សប្តាហ៍។
ភ្នាក់ងារ OCHA បានបន្ថែមថា៖ «ការដឹកជញ្ជូនស្បៀងពិសេស ដែលបន្ថែមទៅលើជំនួយសម្រាប់រយៈពេល ១ ខែ នឹងត្រូវបានធ្វើឡើងដោយ ភ្នាក់ងារចំនួន ៦ របស់អង្គការសហប្រជាជាតិ និង NGO អន្តរជាតិមួយ។
លោក Anders Pedersen ជាអ្នកសម្របសម្រួលមនុស្សធម៌ អ.ស.ប.នៅហ្ស៊កដានី បានថ្លែងថា៖ «នេះ គឺជាកិច្ចប្រតិបត្តិការ ដ៏សំខាន់នៅក្នុងកិច្ចប្រឹងប្រែងមួយដើម្បីបន្ធូរបន្ថយការឈឺចាប់របស់ប្រជាជនស៊ីរ៉ី»។
បុរសខ្ចាត់ព្រាត់ស៊ីរីនិងកូនៗនៅក្នុងជំរំ alHolnh នៅស៊ីរីភាគឦសាន។ AFP
បើយោងតាម OCHA បានឲ្យដឹងថា ប្រជាជនស៊ីរ៉ី ត្រូវការជាចាំបាច់ និងបន្ទាន់នោះ គឺស្បៀងអាហារ ទីជម្រក ទឹក និងថ្នាំពេទ្យ។
លោក Pedersen បានបន្ថែមទៀតថា៖ «ពួកយើងកំពុងធ្វើការយ៉ាងយកចិត្តទុកដាក់ជាមួយក្រុមដៃគូរបស់អ.ស.ប.យើងនៅក្នុងប្រទេសស៊ីរ៉ី ដើម្បីធានាជំនួយទាំងនេះ ឲ្យទៅដល់ក្រុមអ្នកដែលត្រូវការវាបំផុតនោះ»។
កងកម្លាំងរបបស៊ីរ៉ី បានដណ្តើមកាន់កាប់ព្រំដែនវិញដោយឆ្លងកាត់ពីក្រុមឧទ្ទាមកាលពីខែកក្កដា កន្លងទៅ។ ច្រក Jaber នៅខាងហ្ស៊កដានីនិង Nassib នៅខាងស៊ីរី គឺជាច្រកឆ្លងកាត់ដ៏សំខាន់សម្រាប់ការធ្វើពាណិជ្ជកម្មនៅមជ្ឈិមបូព៌ា ហើយត្រូវបាន បើកឡើងវិញកាលពីខែតុលា ក្រោយពីត្រូវបានបិទរយៈពេល ៣ ឆ្នាំនោះ៕
