.jpg)
លោកMartin Griffiths (កណ្តាល) មកដល់ ដើម្បីជួបជាមួយប្រធានប្រមុខនៃគណៈកម្មាធិការបដិវត្តន៍ជាន់ខ្ពស់របស់ក្រុមឧទ្ទាមហ៊ូធី។ AFP
ក្រុងសាណាៈ ប្រេសិតពិសេសអង្គការសហប្រជាជាតិលោក Martin Griffiths កាលពីថ្ងៃសៅរ៍ បានជួបមេដឹកនាំឧទ្ទាមយេម៉ែននៅតំបន់គ្រប់គ្រងដោយក្រុមឧទ្ទាមនៅក្រុងសាណា ហើយរៀបចំការចរចានៅក្រុងរីយ៉ាដជាមួយរដ្ឋាភិបាលយេម៉ែនក្នុងការជំរុញឲ្យចាប់ផ្តើមដំណើរការសន្តិភាពជាថ្មី។
នៅក្នុងលទ្ធភាពទម្លាយភាព ថ្វីបើមានការសង្ស័យទៅលើរដ្ឋាភិបាលក្តី ក៏ប្រេសិតរូបនេះ បានថ្លែងថា លោក បានបើកកិច្ចចរចាមួយជាមួយក្រុមមន្ត្រីឧទ្ទាមហ៊ូធីអំពីថាតើអង្គការសហប្រជាជាតិ អាចចូលរួមចំណែកដល់ការរក្សាសន្តិភាពនៅក្នុងក្រុងកំពង់ផែហូដេដាតាមរបៀបណា?
ប្រភពមួយរបស់អង្គការសហប្រជាជាតិ បានឲ្យដឹងថា លោក Griffiths នឹងរៀបចំកិច្ចចរចានៅថ្ងៃចន្ទនៅក្នុងរដ្ឋធានី អារ៉ាប៊ី សាអ៊ូឌីត ជាទីដែលប្រធានាធិបតីយេម៉ែនលោក Abedrabbo Mansour Hadi និងមន្ត្រីផ្សេងទៀត ស្នាក់អាស្រ័យនោះ។
អ្នកថតរូប AFP ម្នាក់ បាននិយាយថា កាលពីថ្ងៃសៅរ៍ លោក Mohammed Ali al-Huthi ប្រមុខនៃគណៈកម្មាធិការបដិវត្តន៍ជាន់ខ្ពស់របស់ក្រុមឧទ្ទាមហ៊ូធី បានជួបជាមួយប្រេសិតពិសេសអង្គការសហប្រជាជាតិនោះនៅក្នុងក្រុងសាណា៕ PSA
