.jpg)
លោកណាជីប រ៉ាហ្សាក់ ចេញពីតុលាការនៅក្រុងគូឡាឡាំពួ។ AFP
ក្រុងគូឡាឡាំពួៈ អតីតមេដឹកនាំម៉ាឡេស៊ី លោក ណាជីប រ៉ាហ្សាក់ និងអតីតប្រធា 1MDB ត្រូវបានចោទប្រកាន់កាលពីថ្ងៃពុធពីបទក្លែងបន្លំ របាយការណ៍សវនកម្មមូលនិធិរបស់រដ្ឋនៅចំកណ្តាលនៃរឿងអាស្រូវមួយដែលបានជួយផ្តួលរលំរដ្ឋាភិបាលមុននេះ។
ការចោទប្រកាន់ជាច្រើនថាទឹកប្រាក់ចំនួនពាន់លានដុល្លារ ត្រូវផ្ទេរចេញពី 1MDB ហើយត្រូវបានប្រើប្រាស់ដើម្បីទិញអ្វីៗគ្រប់យ៉ាងចាប់នាវាទំនើបរហូតដល់គ្រឿងចម្លាក់បានដើរតួនាទីសំខាន់មួយក្នុងការជំរុញឲ្យក្រុមអ្នកបោះឆ្នោតទម្លាក់របបរគ្រប់គ្រងដ៏យូររបស់ណាជីបនៅការបោះឆ្នោតកាលពីខែឧសភា។
លោកណាជីប ត្រូវរងការចោទប្រកាន់ចំនួន ៣៩ ករណីចាប់តាំងធ្លាក់ពីអំណាច ដែល ភាគច្រើនទាក់ទងទៅនឹងតួនាទីរបស់លោកក្នុងការលួចប្រាក់ពី 1MDB។
ឥស្សរជនដទៃទៀតដែលជាប់ ពាក់ព័ន្ធនឹងរដ្ឋការមុននោះក៏ត្រូវបាននាំឡើងតុលាការដែរ។ ការចោទប្រកាន់ចុងក្រោយនេះ ផ្តោតទៅលើការអះអាងថា លោក ណាជីប បានបញ្ជាឲ្យកែរបាយការណ៍មួយអំពី 1MDB របស់អង្គការសវនកម្មផ្លូវការរបស់រដ្ឋាភិបាល កាល ពីខែកុម្ភៈ ឆ្នាំ ២០១៦ ដោយមានការជួយពីលោក Arul Kanda ដែលជាប្រធាន និងនាយកប្រតិបត្តិនៃមូលនិធិ 1MDB នេះ៕
