ក្រុងគុរ៉ាស៊ីគីៈ នាយករដ្ឋមន្ត្រីជប៉ុនលោកស៊ីនហ្សូ អាបេកាលពីថ្ងៃពុធ បានធ្វើដំណើរទៅកាន់តំបន់មួយនៃតំបន់ជាច្រើនដែលប៉ះពាល់ដោយ ទឹកជំនន់ ខណៈចំនួនអ្នកស្លាប់បានកើនឡើងដល់ ១៧៩ នាក់និងអ្នកត្រូវគេជម្លៀសរាប់ពាន់នាក់ ជាប់តែលតោលនៅក្នុងជម្រក។
លោកអាបេ ដែលបានលុបចោលដំណើរទស្សនកិច្ចទៅបរទេសសម្រាប់សប្តាហ៍នេះខណៈគ្រោះមហន្តរាយទឹកជំនន់បង្កការខូចខាតទ្រព្យសម្បត្តិយ៉ាងច្រើន ដោយសារលោកទៅទស្សនកិច្ចនៅតំបន់អូកាយ៉ាម៉ា ដែលញាំញីដោយទឹកជំនន់ ដើម្បីមើលពីទំហំនៃការខូចខាតជាក់ស្តែង។
ដោយមនុស្សរាប់សិបនាក់ត្រូវបានគេរាយការណ៍ថា នៅបាត់ខ្លួននៅឡើយ ចំនួនអ្នកស្លាប់បណ្តាលមកពីមហន្តរាយទាក់ទងទៅនឹងអាកាសធាតុអាក្រក់បំផុតនៅជប៉ុនក្នុងរយៈពេលជាង ៣ ទសវត្សរ៍នេះ ត្រូវបានគេរំពឹងទុកថា នឹងកើនឡើងថែមទៀត។
កាលពីថ្ងៃពុធ ក្រុមអ្នកជួយសង្រ្គោះ នៅតែជីកកកាយរកមនុស្សបាត់ខ្លួន ក្រោយពីទឹកជំនន់ និងបាក់ដីដែលបានធ្វើឲ្យតំបន់ជាច្រើនខូចខាត ប៉ុន្តែក្តីសង្ឃឹមថា អ្នកនៅរស់ថ្មីផ្សេងទៀតអាចត្រូវរកឃើញនោះ បានថយចុះ។
លោកអាបេ គ្រោងជិះយន្តហោះពីខាងលើស្រុក Mabi ដើម្បីមើលពីទំហំនៃការខូចខាត និងជួបជាមួយក្រុមអ្នកដែលត្រូវបានគេជម្លៀស និងមន្ត្រីតំបន់ដើម្បីពិភាក្សាពីតម្រូវការរបស់ពួកគេ៕