.jpg)
មេដឹកនាំជាន់ខ្ពស់អុីរ៉ង់លោក Ali Khmenei (កណ្តាល) អមដោយមន្ត្រីយោធា។ AFP
ក្រុងវ៉ាស៊ីនតោន៖ អាមេរិក និងសម្ព័ន្ធមិត្តឈូងសមុទ្រចំនួន ៦ កាលពីថ្ងៃពុធបានប្រកាសដាក់ទណ្ឌកម្មទៅលើស្ថាប័ន ២៥ ដែលមានទំនាក់ទំនងជាមួយកងការពារបដិវត្តន៍អ៊ីរ៉ង់ និងក្រុមហេបូឡាហ៍នៅលីបង់ ជាវិធានការមួយដើម្បីរឹតបន្តឹងការគ្រប់គ្រងទៅលើហិរញ្ញវត្ថុរបស់ក្រុមទាំង ២ នេះ។
ទណ្ឌកម្មទាំងនោះ ត្រូវបានកំណត់ដោយមជ្ឈមណ្ឌលគោលដៅហិរញ្ញវត្ថុភេរវកម្មមានមូលដ្ឋាននៅក្រុងរីយ៉ាដជាក្រុមមួយមានអាយុ ២ឆ្នាំ ដែលរួមមានប្រទេស អារ៉ាប៊ី សាអ៊ូឌីត បារ៉ែន គូវ៉េត អូម៉ង់ កាតា និងអារ៉ាប់រួម ជាការបន្ថែមទៅលើអាមេរិក។
ពួកគេបានដាក់គោលដៅលើបណ្តាក្រុមហ៊ុនដែលទ្រទ្រង់កងកម្លាំងតស៊ូបាស៊ីហ្ស (Basij) ជាក្រុមជំនួយមួយរបស់កងបដិវត្តន៍ ដែលរតនាគារនិយាយថា ត្រូវបានគេប្រើប្រាស់ដើម្បីគាបសង្កត់ការប្រឆាំងនៅក្នុងស្រុកជាមួយការបង្ហាញអំពើហិង្សាយ៉ាងឃោរឃៅ និងការឧបត្ថម្ភមូលនិធិដល់យុទ្ធជនឲ្យបង្កជម្លោះនៅក្នុងតំបន់។
នៅក្នុងក្រុមហ៊ុនទាំង ២៥ នោះ មានធនាគារ Mellat របស់អ៊ីរ៉ង់ ក្រុមហ៊ុន រ៉ែ ក្រុមហ៊ុនផលិត និងវិនិយោគ ដែលតាមការចោទប្រកាន់គាំទ្រដល់កងកម្លាំងតស៊ូបាស៊ីហ្ស។
រតនាគារបាននិយាយថា ៤ នាក់ ក្នុងចំណោមអ្នកដែលមានក្នុងបញ្ជីឈ្មោះ គឺជាបុគ្គលដែលគ្រប់គ្រងកិច្ចប្រតិបត្តិការរបស់ក្រុមហេបូឡាហ៍នៅក្នុងប្រទេស អ៊ីរ៉ាក់។
ក្រុមហ៊ុនទាំង ២៥ នេះ ធ្លាប់មានឈ្មោះនៅក្នុងទណ្ឌកម្មរបស់រតនាគារអាមេរិក ដែលត្រូវបានប្រកាសនៅក្នុងឆ្នាំ ២០១៨។
លោករដ្ឋមន្ត្រីរតនាគារអាមេរិក Steven Mnuchin បានថ្លែងនៅក្នុងសេចក្តីថ្លែងការណ៍មួយថា ការរំខានដល់បណ្តាញហិរញ្ញវត្ថុរបស់ TFTC ត្រូវបានធ្វើដោយរបបអ៊ីរ៉ង់ ដើម្បីផ្តល់មូលនិធិដល់ភេរវករ៕ AFP/PSA
