.jpg)
លោក ម៉ៃក៍ ប៉ុមប៉េអូ មកដល់ដើម្បីធ្វើសន្និសីទកាសែតនៅក្រសួងការបរទេស។ AFP ហុង មិនា
ក្រុងបាងកកៈ នៅពេលរដ្ឋមន្ត្រីការបរទេសអាមេរិកលោក ម៉ៃក៍ ប៉ុមប៉េអូ បានឈប់នៅក្រុងបាងកកសម្រាប់ទស្សនកិច្ចរយៈពេល ៣ ថ្ងៃ នៅចុងខែនេះ លោកនឹងស្វែងរកសម្ព័ន្ធមិត្តចាស់ដ៏ល្អគឺប្រទេស ថៃ។
ចំណងទាក់ទងរបស់ពួកគេមិនដូចអតីតដែលផ្តោតទៅលើប្រតិកម្ម និងប្រឆាំងការប្រតិកម្មទៅនឹងវដ្តនៃរដ្ឋប្រហារជាច្រើន។ ក្នុងរយៈពេល ៥ ឆ្នាំ កន្លងទៅប្រទេស ថៃ បានរួចផុតពីទណ្ឌកម្មដែលដឹកនាំដោយលោកខាងលិច។
បច្ចប្បន្ននេះ រដ្ឋាភិបាលថ្មី បានចូលជាធរមានកម្លាំងជំរុញនយោបាយ និងសេដ្ឋកិច្ចរបស់ព្រះរាជាណាចក្រនេះ លែងត្រូវរឹតត្បិតដោយអ្វីដែលត្រូវបានគេយល់ឃើញថា លទ្ធិប្រជាធិបតេយ្យធ្លាក់ចុះ និងភាពផ្តាច់ការកើនឡើងទៅវិញ។
នៅក្នុងសេចក្តីថ្លែងការណ៍មួយរបស់លោក ប៉ុមប៉េអូ បានឲ្យដឹងថា អាមេរិកកំពុងរង់ចាំធ្វើការជាមួយរាជរដ្ឋាភិបាលថៃដែលទើបបង្កើតឡើងថ្មី ដើម្បីពង្រឹងសម្ព័ន្ធភាព និងភាពជាដៃគូរវាងប្រទេសទាំង ២ ឲ្យកាន់តែរឹងមាំថែមទៀត បង្កើតមិត្តភាព ២ សតវត្សរ៍ រវាងប្រជាជនរបស់ប្រទេសទាំង ២ នេះ។ «យើងគាំទ្រតម្លាភាព និង អភិបាលកិច្ចល្អនៅជុំវិញពិភពលោកនិងបន្តធ្វើការងារជាមួយប្រជាជនថៃនិងរាជរដ្ឋាភិបាលថ្មីនេះ»។
សម្ព័ន្ធភាពអាមេរិក-ថៃ នៅតែខ្លាំង ហើយយើងបន្តគាំទ្រតួនាទីរបស់ ប្រទេស ថៃ ជាមេដឹកនាំតំបន់នៅក្នុងនោះមានភាពជាប្រធានអាស៊ាននៅក្នុងឆ្នាំនេះ។ «សម្ព័ន្ធភាពរបស់យើងនឹងកាន់តែខ្លាំង ខណៈយើងធ្វើការរួមគ្នា ដើម្បីសម្រេចគោលបំណងរួម នៃប្រទេសទាំង ២ ដូចជាសន្តិសុខ និងសន្តិភាពជាដើម»៕ BKP/PSA
