.jpg)
មេដឹកនាំយោធាមីយ៉ាន់ម៉ាលោកឧត្តមសេនីយ៍ Min Aung Hlaing។ រូប AFP
ក្រុងវ៉ាស៊ីនតោនៈ អាមេរិកកាលពីថ្ងៃអង្គារ បានដាក់បម្រាមដំណើរទស្សនកិច្ចរបស់ប្រមុខយោធាមីយ៉ាន់ម៉ា និងក្រុមមន្ត្រីកំពូល ៣ នាក់ផ្សេងទៀត ដោយសារតួនាទីរបស់ពួកគេនៅក្នុង «ការបោសសម្អាតជនជាតិភាគតិច» រ៉ូហ៊ីងយ៉ា ដោយបានជំរុញឲ្យទទួលខុសត្រូវចំពោះយុទ្ធនាការបង្ក្រាបយ៉ាងឃោរឃៅរបស់ពួកគេ។
ក្រសួងការបរទេសបានថ្លែងថា អាមេរិកបានចាត់វិធានការប្រឆាំងប្រមុខយោធាលោក Min Aung Hlaing និងក្រុមមន្ត្រីផ្សេងទៀត ក្រោយពីបានរកឃើញភ័ស្តុតាងគួរឲ្យជឿទុកចិត្តនោះថា ពួកគេបានជាប់ពាក់ព័ន្ធនៅក្នុងអំពើហិង្សាអស់រយៈពេល ២ ឆ្នាំ ដែលបានបង្កឲ្យជនរ៉ូហ៊ីងយ៉ាប្រហែល ៧៤ ម៉ឺននាក់ បានរត់ភៀសខ្លួនឆ្លងកាត់ព្រំដែនទៅបង់ក្លាដែស។
រដ្ឋមន្ត្រីការបរទេសលោក មៃក៍ ប៉ុមប៉េអូ បានថ្លែងថា៖ «ដោយមានការអំពាវនាវនេះ អាមេរិក គឺជារដ្ឋាភិបាលដំបូងគេដែលបានចាត់វិធានការដោយបើកចំហ ដោយមានការគោរពចំពោះមេដឹកនាំជាន់ខ្ពស់បំផុតរបស់យោធាមីយ៉ាន់ម៉ា»។
លោកបានថ្លែងថា៖ «យើងនៅតែព្រួយបារម្ភថា រដ្ឋាភិបាលមីយ៉ាន់ម៉ា មិនបានចាត់វិធានការឲ្យទទួលខុសចំពោះការរំលោភសិទ្ធិមនុស្ស និងការប្រើអំណាចខុសច្បាប់ ហើយត្រូវបន្តរាយការណ៍អំពីយោធាមីយ៉ាន់ម៉ា ដែលរំលោភសិទ្ធិមនុស្ស និងប្រើអំណាចខុសច្បាប់នៅទូទាំងប្រទេសនេះ»។
ទណ្ឌកម្មទាំងនោះ គឺជាការបង្ហាញការខកចិត្តរបស់អាមេរិកចំពោះប្រទេស មីយ៉ាន់ម៉ា ដែលពីមុនត្រូវគេស្គាល់ថា ភូមាចាប់តាំងពីប្រទេសនេះបានចាប់ផ្តើមកំណែទម្រង់នយោបាយនៅឆ្នាំ ២០១១ ដោយរបបយោធាបានផ្សះផ្សាជាមួយក្រុងវ៉ាស៊ីនតោន និងអនុសញ្ញាមានមេដឹកនាំនយោបាយដែលត្រូវបានជ្រើសដោយការបោះឆ្នោត៕ AFP/SK
