.jpg)
រដ្ឋមន្ត្រីការពារជាតិកូរ៉េខាងត្បូងលោក Jeong Kyeong-doo (ស្តាំ) ចាប់ដៃជាមួយសមភាគីអាមេរិកលោក Mark Esper។ Yonhap
ក្រុងសេអ៊ូល៖ ប្រភពខ្លះបានថ្លែងកាលពីថ្ងៃអង្គារថា អាមេរិកបានស្នើថា កូនសៀវភៅគ្រប់គ្រងវិបត្តិរួមមួយ ជាមួយកូរ៉េខាងត្បូង គួរត្រូវបានត្រួតពិនិត្យ និងកែប្រែឡើងវិញ ជាមធ្យោបាយមួយដែលបានពង្រីកទស្សនៈនៃការទទួលខុសត្រូវវិបត្តិឆ្លើយតបរួម នៅក្នុងនោះមិនមែនគ្រាន់តែរាប់បញ្ចូលស្ថានភាពគ្រាអាសន្ននៅលើឧបទ្វីបកូរ៉េប៉ុណ្ណោះនោះទេ ថែមទាំងស្ថានភាពគ្រាអាសន្ននៅអាមេរិកដែរ។
ក្រុមអ្នករិះគន់ និងអ្នកវិភាគបានលើកឡើងពីកង្វល់ថា ការស្នើសុំឲ្យមានការកែប្រែបន្ថែមនោះ ប្រសិនបើយល់ច្បាស់ អាចត្រូវដាក់ចាក់គ្រឹះផ្លូវច្បាប់សម្រាប់អាមេរិក ដើម្បីស្នើឲ្យប្រទេស កូរ៉េខាងត្បូង បញ្ជូនទាហាន ទៅដោះស្រាយស្ថានភាពគ្រាអាសន្នរួមគ្នានៅតំបន់មជ្ឈិមបូព៌ា សមុទ្រចិនខាងត្បូង និងនៅកន្លែងផ្សេងទៀត។
យោងតាមប្រភពនានាបានឲ្យដឹងថា អាមេរិកបានធ្វើសំណើឲ្យត្រួតពិនិត្យឯកសារសម្ងាត់ដែលបានចែងពីការឆ្លើយតបរួម និងតួនាទីរបស់ភាគីនីមួយៗនៅក្នុងករណីមានវិបត្តិជាផ្នែកនៃការរៀបចំធ្វើការផ្ទេរការគ្រប់គ្រងកិច្ចប្រតិបត្តិការពេលមានសង្គ្រាម (OPCON) នៃកងកម្លាំងរបស់កូរ៉េខាងត្បូងពីក្រុងវ៉ាស៊ីនតោនទៅកាន់ក្រុងសេអ៊ូល។
ឯកសារបច្ចុប្បន្ននេះបានបញ្ជាក់ ស្ថានភាពគ្រាអាសន្ននៅឧបទ្វីបកូរ៉េ ថាជាសមត្ថភាពនៃកិច្ចប្រតិបត្តិការរួមរបស់ពួកគេ ប៉ុន្តែអាមេរិកបានស្នើឲ្យពង្រីកតួនាទីទាំងនេះថែមទៀតទៅលើករណីជាច្រើនដែលអាមេរិកចាត់ទុកជាការគំរាមកំហែងដល់សន្តិសុខជាតិរបស់ខ្លួនផ្ទាល់។
តាមការរាយការណ៍ កូរ៉េខាងត្បូង បានជំទាស់ទៅនឹងគំនិតនេះ។
ប្រភពមួយបានឲ្យដឹងថា កិច្ចពិភាក្សាជាច្រើនដើម្បីកែប្រែឯកសារនេះបានចាប់ផ្តើម ហើយជម្រើស និងសេណារីយោជាច្រើនអាចដាក់លើតុ ដើម្បីជជែកដេញដោល៕ Yonhap/SK
