ក្រុងរីយ៉ាដ៖ ប្រទេស អារ៉ាប៊ី សាអ៊ូឌីត បានថ្លែងកាលពីថ្ងៃអាទិត្យថា រាជាណាចក្រនេះបានកំពុងធ្វើការងារដើម្បីដកប្រទេស ស៊ូដង់ ចេញពីបញ្ជីរដ្ឋគាំទ្រភេរវកម្មរបស់អាមេរិក។
សេចក្តីប្រកាសនេះបានកើតឡើងនៅអំឡុងទស្សនកិច្ចផ្លូវការរបស់គណៈប្រតិភូស៊ូដង់មួយក្រុមនៅក្នុងនោះមាននាយករដ្ឋមន្ត្រីថ្មី គឺលោក អាប់ឌុលឡា ហាមឌុក នៅទីក្រុងរីយ៉ាដ។
ក្រសួងការបរទេសអារ៉ាប៊ី សាអ៊ូឌីត បានថ្លែងនៅក្នុងសេចក្តីថ្លែងការណ៍មួយនៅលើគេហទំព័រធ្វីធើរថា៖ «រាជាណាចក្រនេះកំពុងធ្វើការងារដើម្បីដកប្រទេស ស៊ូដង់ ចេញពីបញ្ជីភេរវកម្មរបស់អាមេរិក»។
សេចក្តីថ្លែងការណ៍នោះបានថ្លែងថា អារ៉ាប៊ី សាអ៊ូឌីត បានកំពុងធ្វើការទៅលើ «ការបង្កើតគម្រោងវិនិយោគទុនខ្នាតធំនៅប្រទេស ស៊ូដង់»។
ចាប់តាំងពីឆ្នាំ ១៩៩៣ ក្រុងវ៉ាស៊ីនតោនសម្ព័ន្ធមិត្តរបស់ក្រុងរីយ៉ាដ បានដាក់បញ្ចូលប្រទេស ស៊ូដង់ ជារដ្ឋគាំទ្រភេរវកម្មនៅក្នុងបញ្ជីខ្មៅរបស់ខ្លួន ទោះបីជាកាលពីខែ តុលា ឆ្នាំ ២០១៧ ខ្លួនបានបញ្ចប់ការដាក់ទណ្ឌកម្មពាណិជ្ជកម្មរបស់ខ្លួនអស់ជាច្រើនទសវត្សរ៍ក្តី។
ព្រះអង្គម្ចាស់ សាល់មែន កាលពីថ្ងៃអាទិត្យ បានជួបជាមួយនាយករដ្ឋមន្ត្រីថ្មី និងលោក អាប់ឌែល ហ្វាតតាហ៍ អាល់ប៊ូរហាន៕ AFP/SK