.jpg)
លោកប្រធានសភាអ៊ីរ៉ង់ អាលី ឡារីចានី។ AFP
ក្រុងបេរូតៈ បណ្តាញទូរទស្សន៍តំបន់ LBCI បានរាយការណ៍ថា ប្រធានសភាអ៊ីរ៉ង់លោក អាលី ឡារីចានី បានប្រកាសកាលពីថ្ងៃអាទិត្យថាប្រទេស អ៊ីរ៉ង់ បន្តទំនាក់ទំនងទ្វេភាគីល្អប្រសើរជាមួយប្រទេស លីបង់។
លោក អាលី ឡារីចានី បានថ្លែងនៅពេលលោកមកដល់ព្រលានយន្តហោះក្រុងបេរូតថា៖ «ប្រទេស លីបង់ គឺជាប្រទេសមានឥទ្ធិពលមួយនៅក្នុងតំបន់ហើយប្រទេស អ៊ីរ៉ង់ ជានិច្ចកាលចង់ឃើញថា ប្រទេសនេះមានសេរីភាពអធិបតេយ្យភាពនិងឯករាជ្យភាព»។
លោក ឡារីចានី ក៏បានអបអរសារទរប្រទេស លីបង់ ចំពោះការបង្កើតរដ្ឋាភិបាលថ្មីរបស់ខ្លួន។
ស្ថានទូតអុីរ៉ង់នៅប្រទេស លីបង់ បានប្រកាសថា ដំណើរទស្សនកិច្ចផ្លូវការរបស់លោក ឡារីចានី មានបំណងជួបមន្ត្រីកំពូលៗដើម្បីពិភាក្សាអំពីការរីកចម្រើនថ្មីៗនៅក្នុងតំបន់នេះ៕ Xinhua/PSA
