.jpg)
លោករ៉េសិប តៃយីប អេរដូហ្គែន ធ្វើសន្និសីទទាក់ទងការវាយប្រហារឃើដនៅស៊ីរី។ AFP
ក្រុងអ៊ីស្តង់ប៊ុលៈ ប្រធានាធិបតីតួកគីលោក រ៉េសិប តៃយីប អេរដូហ្គែន កាលពីថ្ងៃចន្ទ បានរិះគន់ក្រុមប្រទេសលោកខាងលិច ដោយបានចោទប្រកាន់ពួកគេពីបទ «ឈរខាងក្រុមភេរវករ» នៅក្នុងការខកខានមិនបានគាំទ្រប្រតិបត្តិការរបស់តួកគី ប្រឆាំងក្រុមយុទ្ធជនឃើដស៊ីរីនោះទេ។
លោក អេរដូហ្គែន បានថ្លែងនៅក្នុងទីក្រុងអ៊ីស្តង់ប៊ុលថា៖ «តើអ្នកអាចស្រមៃអំពីប្រទេសលោកខាងលិចទាំងមូល ដែលបានឈរខាងក្រុមភេរវករ និងរាល់ការវាយប្រហារទាំងអស់មកលើពួកយើង នៅក្នុងនោះមានក្រុមប្រទេសសមាជិកអង្គការណាតូ និងក្រុមប្រទេសសហភាពអ៊ឺរ៉ុបនោះដែរទេ?»
លោកបានថ្លែងថា៖ «តើអ្នកបានចាប់ផ្តើមឈរនៅខាងក្រុមភេរវករចាប់តាំងពីពេលណាមកដែរ? តើអ្នកបានចូលរួមជាមួយក្រុមកងកម្លាំង PYD-YPG (កងកម្លាំងឃើដស៊ីរី) តាំងពីពេលណាមក? តើហេតុអ្វីបានជាអង្គការណាតូនិងយើងមិនបានដឹងអំពីបញ្ហានេះអញ្ចឹង?»
ក្រុងអង់ការ៉ាបានថ្លែងថា កងកម្លាំង YPG គឺជាសាខា «ក្រុមភេរវករ» មួយរបស់គណបក្សពលករឃើដ (PKK) ខុសច្បាប់ ដែលបានកំពុងធ្វើការបះបោរនៅក្នុងប្រទេស តួកគី ចាប់តាំងពីឆ្នាំ ១៩៨៤ មកម្លេះ៕ SK
