.jpg)
ស្តេចហ្ស៊កដានី Abdullah ទី២ (ឆ្វេង)ជាប់ដៃជាមួយលោក Abdel Fattah al-Sisi ។ AFP
ក្រុងគែរៈ ប្រធានាធិបតីអេហ្ស៊ីបលោក Abdel-Fattah al-Sisi និងព្រះអង្គម្ចាស់ Abdullah II របស់ប្រទេស ហ្ស៊កដានី បានអះអាងកាលពីថ្ងៃចន្ទថា ការចាប់ផ្តើមបន្តកិច្ចពិភាក្សាសន្តិភាពអ៊ីស្រាអែល-ប៉ាឡេស្ទីនឡើងវិញ ពិតជាមានសារៈសំខាន់ណាស់។
អ្នកនាំពាក្យប្រធានាធិបតីអេហ្ស៊ីបលោក Bassam Radi បានថ្លែងនៅក្នុងសន្និសីទកាសែតមួយថា មេដឹកនាំភាគីទាំង ២ បានធ្វើសេចក្តីថ្លែងការណ៍ នៅអំឡុងពេលជំនួបរបស់ពួកគេនៅក្នុងទីក្រុងគែរនៃប្រទេស អេហ្ស៊ីប នេះ។
ព្រះអង្គម្ចាស់ Abdullah បានយាងមកដល់ទីក្រុងគែរកាលពីព្រឹកថ្ងៃចន្ទ ជាដំណើរទស្សនកិច្ចផ្លូវការមួយដើម្បីចរចាជាមួយលោក al-Sisi។
នៅក្នុងជំនួបនោះ ពួកគេបានអះអាងជាថ្មីអំពីការបង្កើនកិច្ចខិតខំប្រឹងប្រែង ដើម្បីចាប់ផ្តើមកិច្ចពិភាក្សាសន្តិភាពឡើងវិញ ស្របទៅតាមសេចក្តីសម្រេចអន្តរជាតិនិងការបណ្តុះគំនិតសន្តិភាពនៅអារ៉ាប់ និងគោលការណ៍ដំណោះស្រាយរបស់ប្រទេសទាំង ២ ដោយការបង្កើតរដ្ឋប៉ាឡេស្ទីនមួយនៅតាមព្រំដែនឆ្នាំ ១៩៦៧ ជាមួយក្រុងហ្ស៊េរុយសាឡិមខាងកើតថា ជាទីក្រុងរបស់ខ្លួន៕ SK
