ក្រុងម៉ូស្គូ៖ យោងតាមរដ្ឋមន្ត្រីក្រុងតេអេរ៉ង់ម្នាក់ ដែលបានចំអកឡកឡាយឲ្យប្រធានាធិបតីអាមេរិក ជាមួយរូបថតនៃឧបករណ៍ «មិនមានការខូចខាត» នោះ បានឲ្យដឹងថា ផ្កាយរណបមួយរបស់អ៊ីរ៉ង់ ដែលបានជាប់ទាក់ទងនៅក្នុងការបាញ់សាកល្បងមិនទទួលបានជោគជ័យគួរឲ្យភ្ញាក់ផ្អើលមួយនៅក្នុងសប្តាហ៍នេះ បានរួចផុតជីវិតពីការផ្ទុះនៅលើជើងទម្របាញ់។
លោករដ្ឋមន្ត្រី ម៉ូហាម៉ាដ ចាវ៉ាដ អាហ្សារីចាហ៍រូមី បានសរសេរនៅលើគេហទំព័រធ្វីធើរថា៖ «ខ្ញុំ និងប្រព័ន្ធផ្កាយរណប Nahid 1 មិនមានបញ្ហាអីទេអរុណសួស្តី លោក ដូណាល់ ត្រាំ» ដោយបានបង្ហាញរូបលោកជាមួយនឹង Nahid 1 ជាផ្កាយរណបទំនាក់ទំនងដើរដោយថាមពលព្រះអាទិត្យ ដែលគ្រោងបង្ហោះចូលទៅលំហអាកាសនៅថ្ងៃព្រហស្បតិ៍ខាងមុខនេះ។
ប៉ុន្តែបេសកកម្មនោះ បានបរាជ័យ នៅមុនពេលចាប់ផ្តើមសាកល្បង បើតាមការរាយការណ៍ គ្រាប់រ៉ុក្កែត Safir-1B បានផ្ទុះនៅលើទម្របាញ់តេស្តនោះតែម្តង។ រូបភាពផ្កាយរណបតាមទូរទស្សន៍ ដែលបានចេញផ្សាយដោយប្រព័ន្ធផ្សព្វផ្សាយអន្តរជាតិ ក៏បានបង្ហាញការផ្ទុះនោះដែរ ដោយបានបង្ហាញឲ្យឃើញផ្សែងខ្មៅក្រាស់ឃ្មឹកហុយចេញពីកន្លែងបាញ់តេស្តនោះ។
គេហទំព័រធ្វីធើររបស់រដ្ឋមន្ត្រីរូបនោះ បានបង្ហាញឲ្យឃើញយ៉ាងច្បាស់ជាការឆ្លើយតបទៅនឹងសុន្ទរកថារបស់លោក ដូណាល់ ត្រាំ ដែលបានបដិសេធថា អាមេរិកមិនជាប់ទាក់ទងនៅក្នុងឧប្បត្តិហេតុនោះ ដោយលោកបន់ស្រន់ឲ្យក្រុងតេអេរ៉ង់ជួបសំណាងល្អចំពោះអ្វីដែលបានកើតឡើង៕ RT/SK