ក្រុងតេអេរ៉ង់ៈ ទីភ្នាក់ងារសារព័ត៌មានពាក់កណ្តាលផ្លូវការ ISNA បានរាយការណ៍ឲ្យដឹងថា ប្រទេស អ៊ីរ៉ង់ បានប្តេជ្ញាចិត្តកាលពីថ្ងៃសៅរ៍ថា នឹងមិនអនុញ្ញាតឲ្យមានការវាយប្រហារណាមួយ ទៅលើនាវាដឹកប្រេងរបស់ខ្លួននៅម្តុំឆ្នេរសមុទ្រអារ៉ាប៊ី សាអ៊ូឌីត ដែលមិនទាន់មានការឆ្លើយតបទទួលខុសត្រូវនោះជាដាច់ខាត។
លោក អាលី ហ្សាមកានី ជាលេខាធិការនៃក្រុមប្រឹក្សាសន្តិសុខជាតិកំពូលបានថ្លែងថា ភស្តុតាងនានានៅមិនទាន់បានរកឃើញថា តើអ្នកណានៅពីក្រោយខ្នងអ្វីដែលខ្លួនបានហៅថាជា «ការវាយប្រហារមីស៊ីល» មួយទៅលើនាវាដឹកប្រេងសាប៊ីទីមួយនេះ។
លោកបានថ្លែងត្រូវបានគេដកស្រង់ដោយទីភ្នាក់ងារសារព័ត៌មាន ISNA ថា៖ «ចោរកម្មផ្លូវសមុទ្រនិងភាពឃោរឃៅនៅក្នុងដែនទឹកអន្តរជាតិ នឹងមិនត្រូវបានទុកចោលដោយមិនឆ្លើយតបទទួលខុសត្រូវនោះទេ»។
លោកបានបន្ថែមថា៖ «តាមរយៈការត្រួតពិនិត្យវីដេអូអាចទទួលយកបាន និងការស៊ើបយកការណ៍ប្រមូលបានភស្តុតាងនោះ ភស្តុតាងបឋមនឹងប្រថុយគ្រោះថ្នាក់នៃការវាយប្រហារទៅលើនាវាដឹកប្រេងអ៊ីរ៉ង់ នៅក្នុងសមុទ្រក្រហមនៅមិនទាន់ត្រូវបានរកឃើញនៅឡើយទេ»៕ SK