.jpg)
ក្រុមឧទ្ទាមស៊ីរីគាំទ្រដោយតួកគី ជួបជំុំគ្នានៅក្បែរព្រំដែនស៊ីរីតួកគីកាលពីថ្ងៃទី៧ ខែតុលា ឆ្នាំ២០១៩។ AFP
ក្រុងតេអេរ៉ង់ៈ ក្រសួងការបរទេសបានឲ្យដឹងថាអ្នកការទូតកំពូលអ៊ីរ៉ង់ លោក មូហាម៉ាដ ចាវ៉ាដ ហ្សារីហ្វ បានថ្លែងប្រាប់សមភាគីតួកគីរបស់លោកគឺ counterpart Mevlut Cavusoglu តាមទូរស័ព្ទថា ក្រុងតេអេរ៉ង់ ប្រឆាំងជំទាស់វិធាការយោធានៅក្នុងប្រទេស ស៊ីរី។
លោក ហ្សារីហ្វ ត្រូវបានដកស្រង់សម្តីដោយថ្លែងនៅក្នុងសេចក្តីថ្លែងការណ៍មួយ ដែលត្រូវបានចេញល្ងាចថ្ងៃចន្ទថា៖ «លោកប្រឆាំងជាដាច់ខាតចំពោះវិធានការយោធានិងជំរុញឲ្យមានការគោរពចំពោះបូរណភាពដែនដីនិងអធិតេយ្យភាពជាតិរបស់ប្រទេស ស៊ីរី»។
រដ្ឋមន្ត្រីការបរទេសអ៊ីរ៉ង់ ក៏បានសង្កត់ធ្ងន់ពីតម្រូវការចំបាច់ចំពោះការប្រយុទ្ធប្រឆាំងភេរវកម្ម និងការបង្កើតស្ថិរភាពនិងសន្តិសុខនៅក្នុងប្រទេស ស៊ីរី។
លោកប្រធានាធិបតី រ៉េសិប តៃយីប អេរដូហ្គែន បានថ្លែងកាលពីថ្ងៃចន្ទថាប្រទេសតួកគី ត្រូវចាប់ផ្តើមកិច្ចប្រតិបត្តិយោធាប្រឆាំងនឹងកងកម្លាំងឃើដនៅក្នុងប្រទេសស៊ីរីភាគខាងជើងក្រោយពីលោកប្រធានាធិបតី ដូណាល់ ត្រាំ បានបើកភ្លើងខៀវឲ្យលោកនោះ៕ PSA
