ក្រុងហ៊្សេរុយសាឡិមៈ លោកនាយករដ្ឋមន្ត្រីអ៊ីស្រាអែល បេនចាមីន នេតានីយ៉ាហ៊ូ បានថ្លែងកាលពីថ្ងៃចន្ទថា ប្រទេសរបស់លោកនឹងធ្វើ «អ្វីៗគ្រប់យ៉ាង» ដើម្បីទប់ស្កាត់អ៊ីរ៉ង់ដែលជាសត្រូវស្លាប់រស់ មិនឲ្យទទួលបានអាវុធនុយក្លេអ៊ែរនៅអំឡុងពេលធ្វើដំណើរទស្សនកិច្ចរបស់មន្ត្រីសន្តិសុខរុស្ស៊ីជាន់ខ្ពស់មួយរូប។
លោក នេតានីយ៉ាហ៊ូ បានថ្លែងថា៖ «ប្រទេស អ៊ីស្រាអែល នឹងមិនអនុញ្ញាតឲ្យអ៊ីរ៉ង់ ដែលបានអំពាវនាវឲ្យបំផ្លាញប្រទេសយើង ប្រសិនបើអ៊ីរ៉ង់រំលោភចូលព្រំដែនរបស់យើងមែននោះ យើងនឹងធ្វើអ្វីៗគ្រប់យ៉ាង ដើម្បីទប់ទល់អ៊ីរ៉ង់មិនឲ្យសម្រេចគោលដៅ នៃអាវុធនុយក្លេអ៊ែររបស់ខ្លួនទេ»។
លោក ថ្លែងជាមួយលោក Nikolai Patrushev ប្រមុខនៃក្រុមប្រឹក្សាសន្តិសុខដ៏មានឥទ្ធិពលរបស់ក្រុងម៉ូស្គូ ដែលបានធ្វើដំណើរទស្សនកិច្ចបន្ទាប់ពីមានភាពតានតឹងកាន់តែខ្លាំងឡើងបានតែប៉ុន្មានសប្តាហ៍ រវាងក្រុងតេអេរ៉ង់ និងក្រុងវ៉ាស៊ីនតោននៅក្នុងឈូងសមុទ្រនោះ។
អ៊ីស្រាអែល បានបើកការវាយប្រហារជាច្រើនលើកម្តងហើយម្តងទៀត ដើម្បីរារាំងកងកម្លាំងអ៊ីរ៉ង់មិនឲ្យចូលមកបង្កប់នៅក្នុងប្រទេស ស៊ីរី ក្បែរខាងជាទីដែលអ៊ីរ៉ង់ និងក្រុងម៉ូស្គូគាំទ្ររដ្ឋាភិបាលលោកប្រធានាធិបតី បាសារ-អាល់-អាសាដ។
រដ្ឋាភិបាលអ៊ីស្រាអែលបានប្តេជ្ញា ថា នឹងមិនអនុញ្ញាតឲ្យប្រទេស អ៊ីរ៉ង់ ផលិតអាវុធនុយក្លេអ៊ែរតទៅទៀតនោះទេ ដោយបានជឿជាក់ថា អ៊ីស្រាអែលនឹងត្រូវយកប្រទេស អ៊ីរ៉ង់ ជាគោលដៅ។
អ៊ីរ៉ង់បានបញ្ជាក់ថា កម្មវិធីអាវុធនុយក្លេអ៊ែររបស់ខ្លួន គឺប្រើប្រាស់សម្រាប់គោលបំណងស៊ីវិល។
លោក បេនចាមីន នេតានីយ៉ាហ៊ូ បានធ្វើយុទ្ធនាការយ៉ាងយូរប្រឆាំងកិច្ចព្រមព្រៀងនុយក្លេអ៊ែរឆ្នាំ ២០១៥ រវាងអ៊ីរ៉ង់ និងបណ្តាប្រទេសមហាអំណាចពិភពលោកដែលរដ្ឋការរបស់លោក ដូណាល់ ត្រាំ បានដកខ្លួនចេញពីកិច្ចព្រមព្រៀងជាឯកតោភាគីកាលពីឆ្នាំ ២០១៨។
លោកប្រមុខក្រុមប្រឹក្សាសន្តិសុខ Nikolai Patrushev មិនបានថ្លែងលើកឡើងអំពីសាធារណរដ្ឋអ៊ិស្លាម ដោយត្រង់ៗនៅក្នុងការធ្វើអត្ថាធិប្បាយរបស់លោកទៅកាន់សារព័ត៌មាននោះទេ។
លោក បានថ្លែងថា៖ «យើងយកចិត្តទុកដាក់យ៉ាងខ្លាំងចំពោះសន្តិសុខរបស់អ៊ីស្រាអែល»៕ AFP/SK