ក្រុងហ្ស៊េរុយសាឡិមៈ កងទ័ពអ៊ីស្រាអែលកាលពីថ្ងៃសៅរ៍ បាននិយាយថា ទាហានជើងអាកាសរបស់ខ្លួនបានធ្វើការវាយប្រហារលើទីតាំងឈរជើងជាច្រើនរបស់អ៊ីរ៉ង់នៅស៊ីរីដើម្បីទប់ស្កាត់ការវាយប្រហារដោយដ្រូនទៅលើអ៊ីស្រាអែល។
នៅក្នុងសេចក្តីថ្លែងការណ៍មួយ យោធាអ៊ីស្រាអែល បាននិយាយថា៖ «នាពេលថ្មីៗនេះ យន្តហោះចម្បាំង បានវាយប្រហារទៅលើគោលដៅភេរវកម្មជាច្រើនកន្លែងនៅក្រុង Aqraba នៅភាគអាគ្នយ៍នៃប្រទេសស៊ីរី ដោយមិនបានផ្តល់ព័ត៌មានអំពីកាលបរិចេ្ឆទជាក់លាក់ទេ»។
យោងតាមកងទ័ពបានឲ្យដឹងថា ការវាយប្រហារទាំងនោះ បានយកភ្នាក់ងារនៃកងកម្លាំង Quds របស់អ៊ីរ៉ង់និងក្រុងក្រុមជនសកម្មប្រយុទ្ធស៊ីអ៊ីត ដែលបានរុលចូលទៅមុខរយៈពេលពីរបីថ្ងៃនេះដោយមានគម្រោងធ្វើការវាយប្រហារទីតាំងឈរជើងរបស់អ៊ីស្រាអែលពីស៊ីរីជាគោលដៅ។
ផែនការជាច្រើន រាប់បញ្ចូលការរៀបចំដ្រូនបំពាក់អាវុធ ដើម្បីវាយប្រហារទីតាំងនានានៅក្នុងប្រទេស អ៊ីស្រាអែល៕ Xinhua/PSA