.jpg)
បុរសប៉ាឡេស្ទីន បង្ហាញប្រាក់របស់គាត់ ក្រោយពីបើកប្រាក់ខែនៅទីប្រជុំជនរ៉ាហ្វា នៅតំបន់ហ្គាហ្សាភាគខាងត្បូង កាលពីថ្ងៃទី១០ វិច្ឆិកា។
ក្រុងហ៊្សេរុយសាឡិមៈ នាយករដ្ឋមន្ត្រីអ៊ីស្រាអ៊ែល លោក បេនចាមីន នេតាន់យ៉ាហ៊ូ បានការពារការសម្រេចចិត្តរបស់លោក ដើម្បីផ្តល់លទ្ធភាពដល់ប្រទេសកាតានាំយកប្រាក់ ១៥លានដុល្លារអាមេរិកទៅកាន់តំបន់ហ្គាហ្សា ដែលគ្រប់គ្រងដោយក្រុមហាម៉ាសសម្រាប់បើកប្រាក់ខែ ដោយបានថ្លែងថា ខ្លួនចង់បន្ធូរបន្ថយភាពតានតឹង និងទប់ស្កាត់វិបត្តិមនុស្សធម៌នៅប៉ាឡេស្ទីន។
សម្តីរបស់លោកនេតាន់យ៉ាហ៊ូកាលពីល្ងាចថ្ងៃសៅរ៍ បានផ្តោតទៅលើបញ្ហានេះ ជាលើកដំបូង ចាប់តាំងអ៊ីស្រាអ៊ែល បានអនុញ្ញាតឲ្យប្រាក់ត្រូវបានផ្ទេរចូលទៅក្នុងទឹកដីដែលគ្រប់គ្រងដោយក្រុមហាម៉ាសនោះ។
លោកនេតាន់យ៉ាហ៊ូបានថ្លែងថា៖«ខ្ញុំកំពុងធ្វើអ្វីដែលខ្ញុំអាចធ្វើទៅបាន ក្នុងការសម្របសម្រួលជាមួយសន្តិសុខ ដើម្បីធ្វើឲ្យភាគខាងត្បូងសហគមន៍ស្ងប់ស្ងាត់ និងទប់ស្កាត់វិបត្តិមនុស្សធម៌មិនឲ្យកើតឡើង ដោយនិយាយសំដៅទៅលើក្រុងនានារបស់អ៊ីស្រាអ៊ែលនៅក្បែរ ព្រំដែនហ្គាហ្សា និងស្ថានភាពកាន់តែអាក្រក់នៅក្នុងតំបន់ហ្គាហ្សានេះ។
លោក បានថ្លែងថា ការបង្កើតសន្តិសុខអ៊ីស្រាអ៊ែល បានគាំទ្រវិធានការនេះ ហើយថា ក្រុមរដ្ឋមន្ត្រីនៅក្នុងគណៈរដ្ឋមន្ត្រីរបស់លោក បានឯកភាពដល់ការបង្កើតនោះ៕ SK
