ក្រុងហ៊្សេរុយសាឡិមៈ ក្រុមអ្នកគោរពបូជាប៉ាឡេស្ទីន បានប៉ះទង្គិចជាមួយប៉ូលិសអ៊ីស្រាអែលនៅក្រុងហ៊្សេរុយសាឡិម កាលពីថ្ងៃអាទិត្យ ខណៈថ្ងៃបុណ្យរបស់អ៊ីស្រាអែល បានកើតឡើងស្របពេលជាមួយថ្ងៃចុងក្រោយនៃបុណ្យរ៉ាម៉ាដនរបស់សាសនាមូស្លីមនោះ។
ក្រុមអ្នកគោរពបូជាមូស្លីមនៅបរិវេណព្រះវិហារ Al-Aqsa បានខឹងសម្បាចំពោះជនជាតិ ជី្វហ្វ បានទៅលេងកន្លែងគោរពបូជាដ៏ពិសិដ្ឋរបស់សាសនាទាំង ២។
យោងតាមប៉ូលិសបានឲ្យដឹងថា ក្រុមអ្នកតវ៉ាបានដាក់របាំងការពារមិនឲ្យចេញចូលចេញពីកន្លែងដែលពួកគេបានគប់កៅអី និងដុំថ្មទៅលើក្រុមកងកម្លាំងអ៊ីស្រាអែលដែល «បានបំបែក» ពួកគេនោះ។
អង្គការមូស្លីម Waqf ដែលគ្រប់គ្រងនៅកន្លែងនោះ បានថ្លែងថា ប៉ូលិស បានប្រើប្រាស់គ្រាប់កាំភ្លើងកៅស៊ូ និងឧស្ម័នបង្ហូរទឹកភ្នែក ដោយបន្ថែមថាមនុស្ស ២ នាក់ ត្រូវបានកងកម្លាំងអ៊ីស្រាអែលចាប់ខ្លួន។
ក្រោយពីមានការប៉ះទង្គិច អ្នកនាំពាក្យប៉ូលិស លោក Micky Rosenfeld បានថ្លែងថា ភាពស្ងប់ស្ងាត់ បានវិលត្រឡប់មកសភាពធម្មតាវិញ ហើយការធ្វើដំណើរកម្សាន្តកំពុងបន្តកើតមានឡើងនៅទីនោះ។
ឧប្បត្តិហេតុនោះ បានកើតឡើង ខណៈអ៊ីស្រាអែលបានប្រារព្ធពិធីបុណ្យនៅហ៊្សេរុយសាឡិម ដែលរំឭកខួបបាន ដណ្តើមកាន់កាប់ផ្នែកភាគខាងកើតប៉ាឡេស្ទីនដ៏សំខាន់គឺ ក្រុងហ៊្សេរុយសាឡិមរបស់ ប្រទេស អ៊ីស្រាអែល នៅក្នុងសង្គ្រាម មានរយៈពេល ៦ ថ្ងៃ កាលពីឆ្នាំ ១៩៦៧។
នៅថ្ងៃបុណ្យឆ្នាំនេះ បានធ្វើឡើងស្របពេលជាមួយថ្ងៃបុណ្យរ៉ាម៉ាដនចុងក្រោយ ជាថ្ងៃបុណ្យតមអាហារបួសរបស់ជនជាតិមូស្លីម។
នៅបរិវេណព្រះវិហារ Al-Aqsa នោះ ត្រូវបានគេដឹងថាជារបស់ជនជាតិជី្វហ្វជាព្រះវិហារ Temple Mount គឺមានទីតាំងស្ថិតនៅក្រុងហ៊្សេរុយសាឡិមភាគខាងកើត។
យោងតាមក្រុមសកម្មជនបានឲ្យដឹងថា ការធ្វើដំណើរកម្សាន្តកាលពីថ្ងៃអាទិត្យជាលើកដំបូង ចាប់តាំងពីថ្ងៃអង្គារដែលជនជាតិជី្វហ្វ ត្រូវបានគេអនុញ្ញាតឲ្យចូលទៅទស្សនានៅកន្លែងនោះ។
ជនជាតិជី្វហ្វ ត្រូវបានគេអនុញ្ញាតឲ្យចូលទៅកន្លែងនោះទៅតាមម៉ោងកំណត់ ប៉ុន្តែមិនឲ្យធ្វើការបួងសួងនៅទីនោះទេ ដើម្បីចៀសវាងបង្កឲ្យមានភាពតានតឹង។
តាមធម្មតាចំនួនជនជាតិជីហ្វចូលទៅទីនោះកើនឡើងនៅថ្ងៃបុណ្យក្នុងក្រុងហ៊្សេរុយសាឡិម៕ AFP/SK