.jpg)
លោកឧត្តមសេនីយ៍ប្រាយុធ ចានអូចា កំពុងបន្ធូរបន្ថយបម្រាមទៅលើសកមុ្មភាពនយោបាយនានានៅមុនពេលបោះឆ្នោត។ BKP
ក្រុងបាងកកៈ ក្រុមគណបក្សនយោបាយថៃ មានសុទិដ្ឋិនិយមចំពោះការត្រៀមខ្លួនសម្រាប់ការបោះឆ្នោតទូទៅដែលនឹងកើតឡើងនៅថ្ងៃទី ២៤ ខែកុម្ភៈឆ្នាំក្រោយ បន្ទាប់ពីលោកនាយករដ្ឋមន្ត្រីប្រាយុធចានអូចា យកមាត្រា ៤៤ មកប្រើដើម្បីបន្ធូរបន្ថយបម្រាមទៅលើសកម្មភាពនយោបាយ។
ការព្យួរប្រព័ន្ធបោះឆ្នោតដែលប្រើពេលវេលាច្រើន និងស្មុគស្មាញដើម្បីគាំទ្រដល់ដំណើរការបោះឆ្នោតនោះ ត្រូវបានគេដាក់បញ្ចូលក្នុងបទបញ្ជានោះដែរ។
កាលពីថ្ងៃសុក្រ លោកឧត្តមសេនីយ៍ប្រាយុធ បានយកបញ្ជាលេខ ១៣/២០១៨ ក្នុងសមត្ថភាពរបស់លោកជាប្រមុខនៃក្រុមប្រឹក្សាជាតិដើម្បីសន្តិភាព និងសណ្តាប់ធ្នាប់ (NCPO) ដើម្បីអនុញ្ញាតឲ្យគណបក្សនយោបាយទាំងអស់ដំណើរការ ដោយមានសកម្មភាពជាក់លាក់នៅមុនពេលបោះឆ្នោត។
បទបញ្ជានោះ ត្រូវបានបោះពុម្ពផ្សាយនៅក្នុងទស្សនាវដ្តីភូមិន្ទកាលពីថ្ងៃសុក្រ។ ការវិវឌ្ឍថ្មីៗនេះ បានកើតឡើងបន្ទាប់ពីព្រះមហាក្សត្រអនុម័តច្បាប់ ២ ស្តីពីការបោះឆ្នោតជ្រើសរើសសមាជិកព្រឹទ្ធសភានិងតំណាងរាស្ត្រដែលត្រូវបានបោះពុម្ពផ្សាយកាលពីថ្ងៃពុធ។ ច្បាប់ស្តីពីការបោះឆ្នោតជ្រើសរើសសមាជិកសភានឹងចូលជាធរមានក្រោយរយៈពេល ៩០ ថ្ងៃខណៈច្បាប់ស្តីការបោះឆ្នោតសមាជិកព្រឹទ្ធសភាចូលជាធរមានភ្លាម៕
