ខ្ញុំ​គិត​ជាមួយ​ប្រពន្ធ​ថា ពេល​រក​លុយ​គ្រប់​ត្រឡប់​មក​ស្រុក​វិញ ខ្ញុំ​ទិញ​គោ​ធ្វើ​ស្រែ ឯ​ប្រពន្ធ​ខ្ញុំ​បិទ​ស្រា។​គាត់​ចេះ​បិទ​ស្រា ខ្ញុំ​ចេះ​រៀប​ឥដ្ឋ​សង់​ចង្ក្រាន​ឲ្យ​គាត់​បិទ​ស្រា។ រក​ស៊ី​បន្តិច​បន្តួច​នៅ​ក្នុង​ភូមិ​តែ​ឥឡូវ​គម្រោង​នេះ​រលាយ​អស់​ហើយ»។ នេះ​ជា​សម្តី នឹម សាវុធ ជា​កម្មករ​ចំណាក​ស្រុក​ខុស​ច្បាប់​ម្នាក់​ក្នុង​ចំណោម​រាប់​ម៉ឺន​នាក់​ដែល​ត្រូវ​ទាហាន​ថៃ​បញ្ជូន​ត្រឡប់​មក​កម្ពុជា​វិញ​ចាប់​តាំង​ពី​ដើម ខែ​មិថុនា មក។