The Phnom Penh Post Search

Search form




Logo of Phnom Penh Post newspaper Phnom Penh Post - នាង​សេឡេណា លី អ្នក​វិនិយោគទុន​មាន ប្រាក់​រាប់​លាន​ដុល្លារ

នាង​សេឡេណា លី អ្នក​វិនិយោគទុន​មាន ប្រាក់​រាប់​លាន​ដុល្លារ

អតីត​បវរ​កញ្ញា​ហុងកុង​ឆ្នាំ​២០០៣ ក្លាយ​ជា​តារា​ភាពយន្ត នាង​សេឡេណា លី ក៏​ជា​អ្នក​វិនិយោគ​មាន​ប្រាក់​រាប់​លាន​ដែរ។
អតីត​បវរ​កញ្ញា​ហុងកុង​ឆ្នាំ​២០០៣ ក្លាយ​ជា​តារា​ភាពយន្ត នាង​សេឡេណា លី ក៏​ជា​អ្នក​វិនិយោគ​មាន​ប្រាក់​រាប់​លាន​ដែរ។ BLOOMBERG

នាង​សេឡេណា លី អ្នក​វិនិយោគទុន​មាន ប្រាក់​រាប់​លាន​ដុល្លារ

ក្រុងហុងកុងៈ ចាប់​ផ្តើម​ដំបូង​ក្នុង​ឆ្នាំ​២០០៣​ តាម​រយៈ​ពិធី​ប្រឡង​បវរកញ្ញា​ហុង​កុង​ នាង​សេឡេណា លី បាន​ថត​ជា​តួ​ឯក​ជា​ច្រើន ​ក្នុង​អាជីព​របស់​នាង​។

​ថ្វី​បើ​ការ​សម្តែង​របស់​នាង​សេឡេណា​ ​ត្រូវ​ទស្សនិកជន​ស្វាគមន៍​យ៉ាង​កក់​ក្តៅ​កី្ត ​ក៏​កំណើន​នៃ​ក្រុម​អ្នក​គាំទ្រ​របស់​នាង​ហាក់​បី​ដូច​នៅ​ដដែល​ក្នុង​ប៉ុន្មាន​ឆ្នាំ​ចុង​ក្រោយ​នេះ ដោយ​ហេតុ​ថា ​នាង​ពិត​ជា​មិន​ធ្លាប់​សម្តែង​រឿង​ភាគ​ដោយ​ផ្ទាល់​ខ្លួន​ឡើយ​។​ ទោះ​បី​ជា​យ៉ាង​ណា​ សេឡេណា ក៏​កំពុង​រក​ឃើញ​ជោគ​ជ័យ​ខាង​សហ​គ្រាស​កាន់តែ​ធំ នៅ​ក្រៅ​ពី​អាជីព​សម្តែង​ភាព​យន្ត​របស់​នាង​ផង​ដែរ។​

តារា​សម្តែង​ស្រី​វ័យ​៣៣​ឆ្នាំ​រូប​នេះ សម្តែង​ភាព​យន្ត​ភាគ​តែ​ពីរ ​ក្នុង​មួយ​ឆ្នាំ​ និង​កម្រ​ចូល​រួម​កម្មវិធី​ព្រឹត្តិ​ការ​ណ៍​ផ្សេង​ៗ ឬ​មាន​ការ​យល់​ព្រម​អ្វី ណាស់​។​

ប្រភព​មួយ​បាន​រាយការណ៍​ថា​ នេះ​ដ៏​​ដោយ​សារ​ជម្រើស​របស់​នាង​សេឡេណា​ដើម្បី​បដិសេធការ​ផ្តល់​ការងារ​ជា​ច្រើន។ ការ​ថត​ភាពយន្ត​តិច​​ បាន​អនុញ្ញាត​ឲ្យ​នាង​សេឡេណា​ផ្តោត​ការ​គិត​គូរ​កាន់​តែ​ច្រើន​លើ​ការ​វិនិយោគ​អាជីវកម្ម​របស់​នាង​។​

ក្នុង​អំឡុង​ពេល​ទំនេរ​៦​ខែ​របស់​នាង​ក្នុង​ឆ្នាំ​នេះ​ សេឡេណា បាន​ទទួល​ស្គាល់​ថា ​នាង​បាន​ធ្វើ​ការ​វិនិយោគទុន​ក្នុង​វិស័យ​ផ្សេងៗ​។

នាង​និយាយ​ថា៖ «​ខ្ញុំ​មិន​ធ្វើ​ការ​ទេ ​ប៉ុន្តែ​ខ្ញុំ​នៅ​តែ​ត្រូវ​ការ​ប្រាក់​ចំណូល​។​ ខ្ញុំ​បាន​វិនិយោគ​ជាច្រើន ​ហើយ​ក៏​រក​ចំណូល​ក៏​បាន​ច្រើន ជាមួយ​ការ​វិនិយោគ​ទាំង​នេះ​។ ក្នុង​ប៉ុន្មាន​ឆ្នាំ​កន្លង​ទៅ ខ្ញុំ​រក​ចំណូល​បាន​មួយ-ពីរ​លាន​ដុល្លារ​»។​

នាង​សេឡេណា​បាន​ប៉ាវ​ការ​ថត​រឿង ​Ghost Dragon of Cold Mountain​ ទៅ​ញាំ​អាហារ​ពេល​ល្ងាច​នៅ​ហាង​សាច់​គោ​អូស្រ្តាលី​ដ៏​ប្រណីត​មួយ​ពី​សប្តាហ៍​មុន​។ ​វា​បញ្ជាក់​ថា សេឡេណា ​ជា​ម្ចាស់​ភាគ​ហ៊ុន​ម្នាក់​ នៃ​ភោជនីយដ្ឋាន​ដែល​តាំង​នៅ​ក្នុង​សង្កាត់​ភាគ​ខាង​កណ្តាល​នេះ។ម្ចាស់​ ភាគ​ហ៊ុន​ធំ​ លោក ម៉ូ សួន​ ជា​មិត្ត​ប្រុស ថ្វី​បើ​នាង​ថា​បង​ធម៌​ក្តី៕

អត្ថបទគួរចាប់អារម្មណ៍