ខណៈ​ចំណោទ​បញ្ហា​ផ្សេងៗ នៅ​តែ​បន្ត​កើត​មាន​ទៅ​លើ​ស្រ្តី​បម្រើ​ការងារ​តាម​ផ្ទះ ដោយ​ទទួល​រង​ការ​បំពាន​និង​ការ​ប្រព្រឹត្ត​អាក្រក់​នៅ​ក្រៅ​ប្រទេស ដូច​ជា ម៉ាឡេស៊ី និង សិង្ហបុរី ពលករ​កម្ពុជា​រាប់​ពាន់​នាក់​ដែល​ធ្វើ​ការ​ក្នុង​វិស័យ​នេះ ក៏​នៅ​ប្រឈម​នឹង​ជម្រើស​រវាង​ការ​ជ្រើសរើស​យក​ការ​ធ្វើ​ការងារ​ក្នុង​ស្រុក​ប្រាក់​ខែ​តិច និង​ការ​ធ្វើ​ការងារ​នៅ​បរទេស​ក្នុង​លក្ខខណ្ឌ​ដែល​អាច​នឹង​ជួប​ហានិភ័យ​ជាង​នៅ​ក្នុង​ស្រុក។